Matius 11:5 - Abun Scripture

⁵ ye gato gro ndu, gro ndo satu; ye gato gwes út, mu ndo satu; ye gato i su suki borbuk, ge, án kaim ndo satu; ye gato dabe mbut, án dabe rer satu; ye gato kwop, mbau satu; ye gato yewa suk, án jam sukdu subot os ndo gato Yefun Allah fro wa yetu ne.

Matius 11:5 ပူးပေါင်းရင်းမြစ်များ

Matius 10:8

Nin ben ye gato i ne ge. Nin sun ye gato kwop ne mbau satu. Nin ben ye gato suki borbuk git ne ge satu. Nin syun semda wé kadit ye gato semda ben ne. Ji syo suktinggi nai nin wa nin ben suk bok gare, nin yo bi sugum nai Ji wa nde, sane nin ós nje it yo, nin ndek sugum wa dom nde.

Matius 11:4

Yefun Yesus ki do, ”Nin satu mu ku Yohanes, ete nin ki subot suk gato nin dakai jam, nin ki subot suk gato nin me su nin gro sato ré:

Matius 12:13

Orete Yefun Yesus ki nai ye gato syim deyo út ne do, ”Nan ron nan syim et!” Ye ne ron an syim sa, an syim gato út ne ndo satu, tepsu an syim deyo ne.

Matius 21:14

Ye gato gro ndu e, ye gato gwes út e ne ma ku Yefun Yesus mo Yefun Allah bi nu, ete An ben yé ne ge.

Matius 5:3

”Ye gato jam do, an yo nggi mo Yefun Allah bi de-i nde, sarewo an jom Yefun si bi sukdu-i tó yo, ye ne mit at wa, we Yefun Allah anato an bi Yekwesu gato mewa an.

Matius 9:30

Sugane ye we ne gro ndo satu it. Yefun Yesus duyawa ye we ne sare do, ”Nin ka we ki subot suk gato Ji ben ré nai ye yi jam nde!”

Markus 7:37

Yé mwa gato jam sukdu ne án yeket ndo nde. Yé ne ki do, ”Suk mwa gato An ben ne, An ben sisu ndo sino fe! An ben ye gato dabe mbut, dabe ndo satu. Ye gato syokwet mbut, An ben ye ne wa ki suk sisu ndo. Mban! Ye ré sa, ben bi suk-i ndo wai o re.”

Markus 9:25

Sugane Yefun Yesus me yé mwa kas ma sum wairi wa pa gato semda ben ne, sane Yefun Yesus ndantom semda ne. An ki do, ”Suksemda o, nan gato ben pa ré mbut, nan gato ben pa ré yo du nde, Ji syokom nan do, Nan syesyar kadit pa ré tom! Nan sok satu mo pa ré o nde!”

Lukas 4:18

”Yefun Allah Gen bok nggwa mo Ji, we Yefun Allah bes Ji wa Ji ki subot An bi suktaru gato ndo nai ye gato yewa suk jam An bi sukdu ne. An syogat Ji ma wa Ji ki nai yé gato ye rai ne do, ’Ji sombok nin wé kadit sukibit gato jom nin ne it!’ An syogat Ji ma wa Ji ós ye gato gro ndu, subere Ji ben án gro ndo satu. An syogat Ji ma wa Ji nai ye gato ku sukye wé kadit sukye ne subere án kem ndo satu.

Yohanes 10:25

Yefun Yesus ki nai án do, ”Ji ki nai nin mó re. Sarewo nin bariwa nin jammo Ji bi sukdu-i. Suk gato Ji ben ne, Ji bi Ai syogat Ji ben. Sane suk gato Ji ben ne kadum nai nin do, Ji dakai anato tepsu Ye gato Ji ki ne.

Yohanes 10:38

Sarewo Ji ben suk tepsu Ji bi Ai syogat Ji ben ne, sane nin onyar kem mo Ji mo suk gato Ji ben gato ben nje yeket ne. Kapre nin bariwa nin jammo Ji bi sukdu-i, nin onyar kem mo Ji mo suk gato Ji ben ne sor. Sane bere nin jam kom mo mit do, Ji bi Ai si Ji tepsu dik. Ji dom, Ji si Ji bi Ai tepsu dik.”

Yohanes 2:23

Yefun Yesus kem mo Yerusalem. An simo Kam Sye Waiket sa, yé mwa onyar kem mo An, we yé mwa ne yeket suk gato Yefun Yesus ben gato kadum An bi Ai bi suktinggi bor wa yetu jam mone.

Yohanes 3:2

Noru dik yo an ma ku Yefun Yesus, ete an ki do, ”Yeguru, men jam do Yefun Allah syogat Nan ma mo bur ré, we Yefun Allah do yo sisu Nan mo nde yo, Nan yo nggiwa ben suk gato kadum Yefun Allah bi suktinggi gato ben men yeket ne yo mo nde.”

Yohanes 5:36

Yohanes ki bi sukdu-i subot Ji mó re, sarewo suk mwa ne sino gato Ji bi Ai syogat Ji ben more kadum rer wai kadit sukdu ne do, Yefun Allah anato syogat Ji ma mo bur ré re.

Yohanes 9:7

Yefun Yesus ki nai ye ne do, ”Nan mu, nan mus nan gro mo syurgun Siloam et!” (Siloam su a Ibrani bi sukjimnut do, ’Ye syogat ma.’) Sane ye ne mu, an mus an gro mone, orete an satu mo nu sa, an gro gan rer, ndo it.

Suk Gato Yerasul Ben Ne 2:22

Orge Petrus ki o do, ”Ji bi nji, ji bi nyanggon, ye Israel, nin jammo suk gato ji ki ré et. Yefun Yesus, ye Nazaret ne, men jam do Yefun Allah bes An, we Yefun Allah bi suktinggi bor mo An re. An ben suk mwa gato men yetu yeket {sato: ye gato kwop, An sun mbau satu, ye gato gro ndu, An ben gro ndo satu, ye gato gwes út ne, An ben mu o re}. Yé mwa nutbot suk gato An ben ne ndo nde. An kadum Yefun Allah bi suktinggi bor wa men me re. Nin dakai jam re.

Yakobus 2:5

Ji bi nji, ji bi nyanggon gato ji jimnotku, nin jammo suk gato ji krom ré sisu ndo et, Yefun Allah bes ye gato yewa suk mo bur ré subere an bi sukjimnut kem pe mo Yefun nggi wai kadit ye gato bi suk mwa mo bur ré. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.