Matius 11:1 - Abun Scripture

¹ Yefun Yesus ki sukdu bok ne nai bi pakon ge musyu dik sop we, orete An mu kadit nat ne, An mu duno nje ete gwat Yefun Allah bi suktaru ki nai nje gato kem mo kota bok neya mo bur Galilea karowa mone.

Matius 11:1 ပူးပေါင်းရင်းမြစ်များ

Matius 28:20

Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Matius 7:28

Yefun Yesus ki sukdu bok gare, orete yé mwa mone yeket An, we An ki bi sukdu-i ne tepsu Yefun Allah dakai ki bi sukdu-i, An bi sukdu-i pet mo nje.

Matius 9:35

Sane Yefun Yesus mubot kota si kampung bok ne sino. An duno nje mo ye Yahudi bi nu ari. An ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Yefun Yesus ben ye gato i ne ge kadit suki wis bok ne sino.

Markus 6:12

Sane Yefun Yesus bi pakon mu, ete duno nje subere yé kwet kadit sukibit gato yé ben ne, ete yé brek ma jammo Yefun.

Lukas 23:5

Sarewo yepasye gato gwat Yefun Yesus ma mone, án ndak Yefun Yesus gat sor, án ki o do, ”Ye ré duno men yé mwa mo bur Yudea sino su os ibit. Ye ré duno men subere men yo jammo men bi yekwesu mo bur ré nde. Su ketke Ye ré duno nje mo bur Galilea, orete An ma kom more, An duno men dom.”

Lukas 8:1

Orge Yefun Yesus mu kadit pe ne sa, Yefun Yesus mubot kampung si kota bok yo mone, Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Yefun Yesus mu saresa, An bi pakon ge musyu dik sop we si An mu sino.

Yohanes 15:10

Nin benbot Ji bi sukduno-i yo, bere Ji bi sukjimnut sye kas subot nin mone petok sor. Sane dom, Ji benbot Ji bi Ai bi sukduno-i, sane An bi sukjimnut sye kas subot Ji mone petok sor.

Yohanes 15:14

Nin benbot suk gato Ji syogat nin ben ne yo, nin tepsu Ji bi yesyim anane.

Suk Gato Yerasul Ben Ne 1:2

sor kom mo kam gato An it mu mo gu. An yo it mu mo gu nde tó, Yefun Allah Gen bok nggwa mo An, ete An ki nai ye gato An bes gum yerasul subot suk gato bere An mitwa yerasul ben ne.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Suk Gato Yerasul Ben Ne 10:42

Yefun Yesus syaugat men do, ’Nin mu ki sukdu subot os ndo gato Ji kak ne nai yé mwa jam et. Nin ki do, Yefun Allah bes Ji tepsu Yepasye gato ndobot yé mwa ne sino, ye gato mbau tó, sisu ye gato kwop nyim re.’

1 Tesalonika 4:2

Nin benbot sukduno mwa ne, we nin jam do, sukduno gato men duno nin su ne ma kadit men bi Yekwesu Yefun Yesus.

2 Tesalonika 3:10

Sane tomgato men si nin kem mone tó, men duno nin su sukduno kwa dik yo subot ye gato bambrai wa ben suk sato, ben nggwe e, nggo nu e ne sare do, ”Ye to dakai bambrai wa ben suk it yo, men syo sugit nai an git nde.”

2 Tesalonika 3:6

Men bi nji, men bi nyanggon, men bi Yekwesu Yesus Kristus ki sukdu nai men, sane men waii syaugat nin do, ye gato onyar kem mo Yefun do bambrai wa ben suk it yo, nin mu karowa ye ne nde. Ye gato onyar kem mo Yefun do bariwa benbot men bi sukduno-i it yo, nin mu karowa ye ne dom nde.

1 Timotius 6:14

Nan tom Yefun Allah si Yesus Kristus ne do, bere nan benbot sukdu mwa gato men duno nan su ne, kwa yo gwet mo nde. Nan benbot sukduno ne sor kom mo kam gato men bi Yekwesu Yesus Kristus satu ma mo bur ré re.