Nin ben ye gato i ne ge. Nin sun ye gato kwop ne mbau satu. Nin ben ye gato suki borbuk git ne ge satu. Nin syun semda wé kadit ye gato semda ben ne. Ji syo suktinggi nai nin wa nin ben suk bok gare, nin yo bi sugum nai Ji wa nde, sane nin ós nje it yo, nin ndek sugum wa dom nde.
Yefun Yesus kendo bi pakon ge musyu dik sop we ne ma, ete An syogat An bi pakon gewe-gewe mubot nat ne. Yefun Yesus syo suktinggi nai pakon ne subere án nggiwa syun semda wé kadit ye gato semda ben ne.
Orge Yefun Yesus ndo mo An bi pakon do, ”Tomga u, Ji syogat nin mu ne, Ji ki do, nin gwat sugum nde, nin gwat yu nde, nin gwat sepatu nde. Sugato nin mu ne te, nin yewa suk yo, bado?” Pakon bok ne ki do, ”Nde re.”
