Matius 10:7 - Abun Scripture

⁷ Nin mu yo, nin kibot Ji bi sukdu do, ’Yefun Allah ma jowa men tepsu men bi Yekwesu it anare!’

Matius 10:7 ပူးပေါင်းရင်းမြစ်များ

Matius 10:8

Nin ben ye gato i ne ge. Nin sun ye gato kwop ne mbau satu. Nin ben ye gato suki borbuk git ne ge satu. Nin syun semda wé kadit ye gato semda ben ne. Ji syo suktinggi nai nin wa nin ben suk bok gare, nin yo bi sugum nai Ji wa nde, sane nin ós nje it yo, nin ndek sugum wa dom nde.

Matius 11:1

Yefun Yesus ki sukdu bok ne nai bi pakon ge musyu dik sop we, orete An mu kadit nat ne, An mu duno nje ete gwat Yefun Allah bi suktaru ki nai nje gato kem mo kota bok neya mo bur Galilea karowa mone.

Matius 21:31

Sane Yefun Yesus ndo mo yekwesú mo Yefun Allah bi nu si ye Yahudi bi yepasye mone do, ”Kadit pa we ré, je u anato benbot suk gato pa we bi ai ki ne?” Án ki do, ”Pa futmo.” Sane Yefun Yesus ki nai án do, ”Suk gato Ji ki ré suksangge anare, yé gato ben sukibit sato yé gato nai sugum kadit nje wa pemerintah si nggon gato ben siri mwa ne bere án sok mo Yefun Allah bi rus-i nyim kadit nin re. {Án tepsu pa futmo, wo nin tepsu pa wari.}

Matius 21:43

Yefun Yesus ki o do, ”Sane Ji ki sare do, nin ben sukibit sane bere Yefun Allah syun nin wé kadit An bi rus-i. Nin bi yewis-i yo tep wa sok mone o nde, wo yewis gato iwa jammo Yefun bere sok mo Yefun Allah bi rus-i ne win nin or re. [

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

Matius 3:2

An ki do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, nin jammo Yefun Allah et.”

Matius 4:17

Kadit kam gato Yefun Yesus mu kem mo kota Kapernaum An duno nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin jammo Yefun et.”

Markus 6:12

Sane Yefun Yesus bi pakon mu, ete duno nje subere yé kwet kadit sukibit gato yé ben ne, ete yé brek ma jammo Yefun.

Lukas 16:16

”Kadit ketke sor kom mo kam gato Yohanes, gato ras nje mo syur ma ne, yé duno nje su Musa si yenabi bi sukduno-i. Wo kadit kam gato Yohanes ma ne, Ji si Ji bi pakon duno nje subot os ndo gato Yefun Allah fro wa Yefun nai nin yetu gum sok mo An bi rus-i, ete An tepsu nin bi Yekwesu mone. Yé mwa jam sukdu ne anato yé mwa wergat nggwa wa án sok mo Yefun Allah bi rus-i.

Lukas 9:2

Yefun Yesus syo suktinggi nai An bi pakon ne, orete Yefun Yesus syogat An bi pakon mu ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Yefun Yesus syogat An bi pakon mu ki sukdu ne sor nde, wo pakon ne mu ben ye gato i ne ge kadit án bi suki ne dom.

Lukas 9:6

Sane Yefun Yesus bi pakon mubot kampung mwa ne wa án ki sukdu subot os ndo gato Yefun Allah fro wa men yetu ne. Pakon ne ben ye gato i ne ge kadit án bi suki dom.

Lukas 9:60

Yefun Yesus ki nai ye ne do, ”Nan misyar ye gato jam nde Yefun gato bi sukjimnut kwop ne dakai mu bi yekwop mo makwe sor. Wo nan simo Ji, nan mu ki nai yé mwa do, ’Yefun Allah ma jowa men tepsu men bi Yekwesu it anare.’ ”

Yohanes 3:2

Noru dik yo an ma ku Yefun Yesus, ete an ki do, ”Yeguru, men jam do Yefun Allah syogat Nan ma mo bur ré, we Yefun Allah do yo sisu Nan mo nde yo, Nan yo nggiwa ben suk gato kadum Yefun Allah bi suktinggi gato ben men yeket ne yo mo nde.”

Suk Gato Yerasul Ben Ne 10:25

Petrus kom mo nu sa, Kornelius ku an, ete Kornelius bare nggwa mo bur tepsu an som Petrus.

Suk Gato Yerasul Ben Ne 28:31

Paulus yo nyu nde, an ki sukdu subot men bi Yekwesu Yesus Kristus, an ki subot os ndo gato Yesus Kristus kak wa men yetu gum sok mo Yefun Allah bi rus-i, bere Yefun Allah tepsu yekwesu wa men mone. Paulus duno nje sane sor, yé yo ma duyawa an nde.

Suk Gato Yerasul Ben Ne 4:2

Yé bok ne maskwa, we án jam do, Petrus si Yohanes ki nai yé mwa mone do, Yefun Allah sun Yefun Yesus kadit sukkwop, sane bere Yefun Allah waii sun ye yi kadit sukkwop dom.