Matius 10:41 - Abun Scripture

⁴¹ Ye to kak an mit wa yenabi ma ku an, we yenabi gwat Yefun Allah bi suktaru, bere an sisu yenabi ne sino ku suk gato ndo. Sane dom, ye to kak an mit wa ye gato ben sukndo tepsu Yefun mit ne ma ku an, we ye ne ben sukndo, bere an sisu ye ne sino ku suk gato ndo ne.

Matius 10:41 ပူးပေါင်းရင်းမြစ်များ

Matius 16:27

We sare, Ji, gato Yetu bi Pa, bere Ji si Ji bi malaikat si Ji bi Ai bi suktinggi ne ma, ete syo suk gato ndo nai nje tepsu sukndo gato án ben ne.

Matius 25:44

Sane bere yé gato tak Ji de syim jam ne waii ki do, ’Yenggras, men ku Nan on de e, sosa e, tepsu yedamok e, yewa san e, i e, mo sel, ete men yo ós Nan nde su kam u ne?’

Matius 25:45

Bere Ji ki do, ’Suk gato Ji ki ré suksangge anare, suk gato nin yo ben wa Ji bi rus-i nde, kapre yé ne pa wokgan, tepsu nin yo ben wa Ji dakai nde.’

Matius 6:1

”Nin ben suk gato ndo tepsu Yefun Allah mit mo yé mwa gwem subere yé mwa me, ete bes nin gum kok mone, bere siri re. Nin ben suk bor mo yé mwa gwem subere ye bes nin gum kok it yo, bere nin bi Ai mo gu yo syo suk yo nai nin nde.

Matius 6:18

subere yé yi jam nde nin mewa nin nggwa kadit nin git sugit yei wa nin ki suk su Yefun. Nin ben sane subere nin bi Ai mo gu sor ete jam. Nin bi Ai ne, nin yo me su nin gro nde, wo nin bi Ai sor ete jam suk gato nin ben ne, ete bere An syo sukndo nai nin mone.”

Matius 6:4

Nin syo suk nai ye gato yewa suk yo, nin ben sane subere yo bor wa ye yi jam nde. Sane bere nin bi Ai mo gu sor ete jam suk gato nin ben ne, ete bere An syo suk gato ndo nai nin mone.”

Matius 6:6

Nin ben saga án ben ne nde, wo nin benadi yo, nin sok mo nin bi gumwak, nin syimwa nusyo, ete nin ki suk su nin bi Ai mo gu, gato nin yo me su nin gro nde. Sane bere nin bi Ai mo gu sor ete jam suk gato nin ki ne, ete bere An syo sukndo nai nin mone.

Matius 7:8

We, sare, ye to ndek gat Yefun Allah, bere Yefun Allah bi suk nai an; ye to meret gat, bere an ku suk gato an mitmo ne; ye to nggo gat, bere ye kak nusyo wa an.

Suk Gato Yerasul Ben Ne 16:15

Sane Lidia ndekwa ye ras mom si mom bi rus-i ne sino mo syur, orge mom kendo men ma kem mo mom bi nu, mom ki do, ”Nin nut do ji onyar kem mo Yefun Yesus sisu sangge it yo, nin ma nin sem mo ji bi nu sor.” Lidia ki bi sukdu-i ne nai men sane sor, kom mo rut sa, men simo mom, men sem mo mom bi nu-i.

Roma 16:23

Gayus ki ndo mo nin. Ji kem mo an bi nu. Yé mwa gato onyar kem mo Yefun Yesus gato kem more sum ben ari mo nu ne. Erastus gato jom sugum mo kota ne ki ndo mo nin dom. Men bi nji gato gum do Kwartus ki ndo mo nin dom. [

1 Korintus 9:17

Sato ji dakai sor anato iwa duno nje subot Yefun Yesus yo, bere ji mit wa nje syo suk mo ji bi kamba mone. Sarewo ji duno nje subot os ndo gato Yefun Yesus kak ne, we Yefun Allah syogat ji ben ne sor re. Sane ji ben sor, ji yo bi sukjimnut wa ji ndek mo nje wa án syo suk yo nai ji nde.

Ibrani 6:10

Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.

2 Yohanes 1:8

Sane nin mewa nin nggwa subere suk gato men ben wa ós nin yo ges kadit nin nde, wo nin wergat nin nggwa subere Yefun Allah syo suk mwa nai nin dakai or sino tepsu suk gato nin ben ne.