Matius 10:2 - Abun Scripture

² Ye gato Yefun Yesus bes tepsu An bi yerasul gum do, ketke Simon (gato ye kendo do Petrus) sisu an bi nji Andreas, Yakobus sisu bi nji Yohanes gato yenggras Zebedeus bi gan we ne;

Matius 10:2 ပူးပေါင်းရင်းမြစ်များ

Matius 17:1

Kam mumat rek o, Yefun Yesus kendo Petrus, Yakobus si bi nji Yohanes sisu An it mo banbo sye. Yefun Yesus si an ka gri ré sor re anato it mo banbo ne.

Matius 20:20

Orete Zebedeus bi nggon si bi pa ge we ma ku Yefun Yesus. Án tu án umsu mo Yefun Yesus gwem, orete án ndekwa Yefun Yesus ós án su suk yo.

Matius 26:37

An ki nai Petrus si Zebedeus bi pa we ne, subere an ka gri si An mu sino. Kom mo pe ne Yefun Yesus nderku nggwa, An kwabom dek subot sukye gato bere An ku ne, An nutbot sor An kaim rere su.

Matius 4:18

Yefun Yesus muket Em Galilea de sa, An sokme yetu ge we gato sok boge. An we yedik. Pa dosye ne gum do Simon (gato ye kendo do Petrus). Pa dowok ne gum do Andreas. An we bare mwi mo em ne. Kamdik-kamdik an we sok boge subere an we ku sugum.

Matius 4:21

Yefun Yesus mu kadit pe ne, orete An me yetu ge we yo o. An we yedik. An we ne gum do Yakobus si Yohanes. An we ne bi ai gum do Zebedeus. An we si bi ai fro bi mwi mo kwem mit. Yefun Yesus ma sa, Yefun kendo an we ma simo Yefun.

Markus 1:29

Yefun Yesus si An bi pakon mu kadit ye Yahudi bi nu ari sa, án mu mo Simon si Andreas bi nu. Yakobus si Yohanes sisu án mu sino dom.

Markus 13:3

Orge Yefun Yesus mu mo bobuk Zaitun, An kem mo bobuk de gato tak Yefun Allah bi nu ne. Yefun Yesus kem mone sa, An bi pakon ge at gato gum do Petrus, Yakobus, Yohanes, si Andreas, án ge at wadigan ma mo Yefun Yesus, án ki sukdu dor mone.

Markus 6:30

Yefun Yesus bi pakon ge musyu dik sop we ne gato An bes gum yerasul satu ma kadit nat bok yo gato án mu mone. Pakon ne ku Yefun Yesus sa, án sum wairi wa Yefun Yesus, ete pakon ne nuk subot suk mwa gato án mu ben ne si suk gato án duno nje su ne nai Yefun Yesus jam.

Lukas 11:49

Yefun Allah jam suk mwa ne sino, sane anato An ki do, ’Bere Ji syogat yenabi deyo si yerasul deyo gwat Ji bi suktaru ma, wo bere yé gu deyo kwop, deyo o yé ben sukye nai.’

Lukas 22:14

Yé fro suk mwa wa Yefun Yesus si An bi pakon git sugit mo nu ne sa, Yefun Yesus si An bi pakon ma mone, ete án kem ga wairi wa meja de wa án git sugit sino.

Lukas 22:8

Yefun Yesus syogat Petrus si Yohanes mu fro suk. Yefun Yesus ki nai an we do, ”Nin ka we mu nyim. Nin ka we fro suk wa men git sino su kam sye ré et.”

Lukas 5:10

Ye we gato si Simon ben suk sino, Yakobus si Yohanes, gato Zebedeus bi gan we ne, an we yeket boge mwa ne dom. Orge Yefun Yesus ki nai Simon do, ”Nan nyu nde. Su ré yo, bere nan but yetu tepsu nan but boge.”

Lukas 9:10

Yefun Yesus bi pakon satu kadit nat mwa gato án mubot ne sa, pakon ne ki nai Yefun Yesus subot suk mwa gato án ben mone. Ete Yefun Yesus ki nai An bi pakon do, ”Men mu kadit pe ré et.” Sane Yefun Yesus si An bi pakon wadigan mu mo kota gato gum do Betsaida.

Yohanes 12:22

Filipus mu ki sukdu ne nai Andreas, orete an we mu ki sukdu ne nai Yefun Yesus.

Yohanes 13:23

Yefun Yesus bi pakon ge dik yo kem karowa Yefun Yesus de. Yefun Yesus bi sukjimnut sye kas subot pakon ne. {Pakon ne anato Yohanes gato krom sukdu ré.}

Yohanes 20:2

Sane Maria kas satu, mom kas mu ku Simon Petrus si pakon dik yo gato Yefun Yesus jimnotku. Maria ki nai an we do, ”Ye yo nai men bi Yekwesu wé kadit makwe re. Jokwak ne or wa An re. Ji jam nde pe gato yé grem An mukri mone.”

Yohanes 21:2

Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Yohanes 21:20

Petrus brek sa, an sokme pakon gato Yefun Yesus jimnotku boribot an we. Pakon ré, tomgato Yefun Yesus si bi pakon sino git sugit su noru, an anato kem karowa Yefun Yesus de, ete an ndo mo Yefun Yesus do, ”Je u ana meret os wa gwat yeko ma wa but Nan ne?”

Yohanes 21:24

Pakon gato yé nut do bere an yo kwop nde, an anato ki rer subot sukdu mwa ne. An anato krombot sukdu ne dom. Men jam do, sukdu gato an ki ne sangge.

Yohanes 6:67

Orete Yefun Yesus ndo mo An bi pakon ge musyu dik sop we ne do, ”Nin waii iwa mu kadit Ji dom bado?”

Yohanes 6:70

Yefun Yesus ki do, ”Sane, Ji anato bes nin tepsu Ji bi pakon ge musyu dik sop we fe? Sarewo nin ge dik yo tepsu biris.”

Yohanes 6:71

Yefun Yesus ki subot Yudas, gato Simon Iskariot bi pa anane. Kapre Yudas sok mo pakon ge musyu dik sop we ne, Yudas anato tepsu yeketut gato bere gwat os wa yeko ma but Yefun ne.

Yohanes 6:8

Yefun Yesus bi pakon dik yo o, Andreas, gato Simon Petrus bi nji ne, an ki nai Yefun Yesus do,

Suk Gato Yerasul Ben Ne 1:13

Án mu kom mo Yerusalem, án mu mo nu gato án kem mone. Án it mo gumwak mo nim. Yerasul gato kem mone gum do, Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (gato Alfeus bi pa), Simon (gato sok mo yekweke), si Yudas (gato Yakobus bi pa).

Suk Gato Yerasul Ben Ne 1:26

Yé ki suk su Yefun Allah, orge yé krom ye we ne gum mo jok we or, ye gwi jok we ne, sane sor, Matias bi jok-i ges mo bur. Sane, yé bes Matias gum yerasul tó yerasul ge musyu dik sop dik ne.

Suk Gato Yerasul Ben Ne 12:2

An syogat ye sap Yakobus gato Yohanes bi nji dosye ne su nyom kwop wé re.

Suk Gato Yerasul Ben Ne 3:1

Kam dik yo, kam dek, jam gri, ete Petrus si Yohanes, an we mu mo Yefun Allah bi nu tepsu jam gato ye ki suk su Yefun mone.

1 Korintus 15:7

Orge An kadum An nggwa nai Yakobus. Or o An kadum An nggwa nai yerasul mwa ne sino.

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

1 Petrus 1:1

Ji gato gum do Petrus, gato Yefun Allah syogat mu ben Yesus Kristus bi suk-i win Yesus Kristus mo bur ré tepsu Yesus Kristus bi yerasul, ji anato krom surat ré wa nin. Ji krom sukdu ré wa nin, ji bi nji, ji bi nyanggon, nin yé gato Yefun Allah fro suga nyim wa An nai sok mo An bi rus-i. Ji krom sukdu ré wa nin yé gato kem tepsu yedamok frekbot bur Pontus, bur Galatia, bur Kapadokia, bur Asia si bur Bitinia.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.

2 Yohanes 1:1

Ji, gato yekwesu mo nu ari anato krom surat ré wa nan, nggongras gato Yefun Allah bes wa nan ben Yefun bi suk-i. Ji krom surat ré wa nan si nan bi pa-i gato ji jimnotku ndo nde. Ji jimnotku nin sor nde, wo ye mwa ne sino gato jam Yefun Allah bi sukdu gato sangge ne jimnotku nin dom,

3 Yohanes 1:1

Ji, gato yekwesu mo nu ari anato krom surat ré wa nan, Gayus gato ji jimnotku. Ji bi sukjimnut sye kas subot nan ndo nde.

Wahyu 1:1

Sukdu mo buku ré anato sukdu gato Yesus Kristus kadum rer nai Yohanes subot suk gato bere men yetu me bor su kam sari ne ma. Yefun Allah kadum suk bok ne nyim nai Yesus Kristus, subere Yesus Kristus waii kadum rer nai Yefun Allah bi pakwerut mwa ne sino jam. Yo nam nde ge, bere Yefun Allah ben suk bok ré bor re. Yesus Kristus syogat An bi malaikat ge dik yo mu ki sukdu subot suk gato bere bor ne rer nai An bi pakwerut gato gum do Yohanes.

Wahyu 1:9

Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.

Wahyu 18:20

Nin yé mwa ne sino gato kem mo gu ne, nin mit at, we Yefun syo sukye nai kota Babel, kota ne ibit it. Nin yé gato onyar kem mo Yefun Yesus e, nin yerasul e, nin yenabi e ne, nin sino mit at, we Yefun Allah syo sukye nai nje mo kota ne tepsu sukibit gato yé mone ben ket nin re.

Wahyu 22:8

Ji gato gum do Yohanes jam ete sokme suk mwa gato ji krom more re. Ji jam ete ji sokme suk mwa ne or sa, ji bare ji nggwa mo malaikat gato kadum suk mwa nai ji ne gwem. Ji bare ji nggwa wa ji bes malaikat ne gum kok,