Matius 1:23 - Abun Scripture

²³ ”Nggonnak ge dik yo gato sem su yebris mo nde, bere syimfar, orete nggon ne kem su pa yebris. Pa ne bere ye kendo gum do, Imanuel.” (Imanuel bi sukjimnut do, ”Yefun Allah sisu men kem sino.”)

Matius 1:23 ပူးပေါင်းရင်းမြစ်များ

Matius 1:24

Sane tepsu gato Yusuf sun an benbot suk gato Yefun bi malaikat ki nai an ne. An gwat Maria mu mo an bi nu tepsu an bi nggon kra.

Matius 28:20

Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Lukas 20:44

Sane mo Mazmur ne, Daud kendo Kristus tepsu an bi Yekwesu. Sane men kendo Kristus do, ’Daud bi dat’ sor nde, wo An tepsu ’Daud bi Yekwesu’ dom.”

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Suk Gato Yerasul Ben Ne 18:9

Noru dik yo Paulus me suk tepsu an semda, wo an yo sem nde. Sugane Yefun Yesus ki nai an do, ”Nan nyu nde. Nan ki sukdu ne gat sor. Nan not nde.

Roma 8:31

Su ré, men ki suk sato suma o subot suk gato Yefun Allah fro wa men ne? Yefun Allah anato tepsu men bi yenggras, sane bere je u anato nggi wai kadit men ete ben men ibit ne?

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

2 Korintus 5:19

Sukdu gato men ki subot anare, Yefun Allah syogat Kristus ma wa kak os wa men yetu si Yefun Allah kem ndo su yu. Yefun Allah fro os ne, An yo nutbot sukibit gato men yetu ben ne o nde. Yefun Allah syogat men mu ki sukdu subot os ne nai yetu mwa ne mo bur ré sino jam sor.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

2 Timotius 4:17

Ye yi yo ós ji nde, wo Yefun Allah sa, sisu ji. Yefun Allah ben ji nggi, subere ji ki sukdu subot os ndo gato Yesus Kristus kak ne. Yepasye ndobot ji sa, yewis yi mone jam sukdu subot os ndo gato Yesus Kristus kak gato ji ki ne dom re. Yé da iwa gu ji kwop wé, sarewo Yefun nai ji kadit re.

2 Timotius 4:22

Yefun ete sisu nan sor. Yefun ete mewa nin sino mone sor.