Matius 1:22 - Abun Scripture

²² Suk mwa ré ye benbot subere suktaru gato Yefun tarubot yenabi ne bor. Yenabi ne ki do,

Matius 1:22 ပူးပေါင်းရင်းမြစ်များ

Matius 12:17

Sane suk gato Yefun Allah tarubot yenabi Yesaya ne bor mone re. Yesaya krom do,

Matius 13:21

sarewo sukdu ne yo kem pe mo án mit nde, tepsu mbet gro ne i-brot yo kom mo jok nde, bergan sor, ete án misyar or re. Diksim án jammo sukdu ne, sarewo án do ku sukye mo sukdu ne yo, ye kiket án mone yo, bergan sor, ete án misyar sukdu ne kekro re.

Matius 13:35

Yefun Yesus gwat sukamno subere yenabi bi sukdu ne bor. Yenabi ki do, ”Ji duno nje su sukamno; Ji ki rer subot sukdu gato ye gurik kadit kam gato Yefun Allah ut bur ré re.”

Matius 2:15

Án we si Pa kem mone sane sor Herodes kwop. Sane suktaru gato Yefun Allah tarubot yenabi ne bor re. Suktaru gato bor, ye krom sare do, ”Ji kendo Ji bi Pa mu kadit bur Mesir.”

Matius 2:23

Yusuf si an bi rus kem mo kota gato gum do Nazaret. Sane sukdu gato yenabi ki subot Pa ne bor mone. Yenabi ki do, ”Bere ye kendo Pa ne do, An ye Nazaret.”

Matius 5:17

”Nin nut do, Ji ma wa Ji rus Musa si yenabi bi sukduno-i ne wé, bado? Sane nde, Ji ma wa Ji rus sukduno ne wé nde, wo Ji ma subere Ji kibot sukdu ne rer wa nin jam kom mo mit et.

Matius 8:17

Yefun Yesus ben ye gato i ne ge subere suk gato Yefun Allah tarubot yenabi Yesaya ne bor re. Yesaya ki do, ”An ma wa sombok men wé kadit sukye gato men ku ne, An syun men bi suki wé kadit men.”

Lukas 21:22

We, su kam gane Yefun Allah syo sukye nai yé bok ne sino mo kota ne. Yé ku sukye sane, subere tepsu suk gato yé krom mo Yefun Allah bi sukdu kam nyim bere bor re.

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Yohanes 10:35

Sane men yo win Yefun Allah bi sukdu ne nde. Sukdu ne kwop mone it. Tomgato nyim ne ye gato Yefun ki bi sukdu-i nai ne, Yefun Allah ki do, án anato tepsu yefun.

Yohanes 15:25

Wo suk gato án ben bor ne tepsu suk gato yé krom mo ye Yahudi bi sukduno-i sare do, ’Kapre Ji yo ben suk yo ibit mo nde, yé dakai bariket Ji sor.’

Yohanes 17:12

Ji sisu án sa, Nan bes Ji gum-i kok tepsu Nan gum-i anato Ji yawa án kadit sukibit su Nan bi suktinggi gato Nan syo nai Ji re. Ji mewa án sane, dik yo gwet mo nde, mwa ne sino mó. Wo ge dik sor anato ges mo os ibit kadit men subere sukdu gato yé krom nyim mo Yefun bi sukdu ne bor mone it.

Yohanes 18:9

Yefun Yesus kiwa yeko misyar ye yi mone dakai mu, anato sukdu gato Yefun Yesus ki nyim wé re bor it. An ki do, ”Ji bi Ai, yé sino gato Nan syo nai Ji, dik yo gwet mo nde, án sino mó tó.”)

Suk Gato Yerasul Ben Ne 3:18

wo suk gato nin ben ne bor tepsu suktaru gato Yefun Allah tarubot yenabi suga nyim tuya sare do, ”Yekwesu gato ye kendo do Kristus, gato Yefun Allah syogat ma mo bur ré wa nai men yetu wé kadit sukye ete jowa men, Kristus ne bere ku sukye.” Nin anato ben sukye ne nai Yefun Yesus tepsu sukdu gato Yefun Allah tarubot yenabi ne re.

Roma 1:2

Sukdu subot os ndo ne, An tom su men bi amui tomgato nyim tuya it. An ki napyo nai yenabi jam re, orete yenabi waii krom Yefun bi sukdu ne mo buku o wa men jam.

Wahyu 17:17

Yeraja ge musyu dik ne ben suk su nggon sane, we Yefun Allah ben án bi sukjimnut sane sor án ben suk gato Yefun Allah fro wa án ben ne. Sane án ge musyu dik ne sino iwa syo án bi suktinggi wa án jom yetu su ne nai suge doketke ne, sane sor suk gato Yefun Allah ki ne bor re.