Matius 1:18 - Abun Scripture

¹⁸ Ji krom sukdu subot Maria kem su Yesus Kristus. Yusuf nggorwa Maria nyim wé re, wo an we yo kra nde tó, Maria syimfar re. Yefun Allah Gen anato ben Maria syimfar re.

Matius 1:18 ပူးပေါင်းရင်းမြစ်များ

Matius 1:1

Men krombot Yesus Kristus bi amui. Yesus Kristus bi amui dik yo mo yeraja Daud. Daud waii bi amui mo Abraham. Yesus Kristus bi amui kadit Abraham sor kom mo yeraja Daud anare:

Matius 12:46

Yefun Yesus si nje mone nuk sukdu saresa, Yefun Yesus bi im si bi nji ne ma. Yefun bi im si bi nji ti mo nu de nden, án iwa nuk sukdu su Yefun Yesus.

Matius 2:11

Án sok mo nu mit sa, án ku Pa ne si Pa bi im gato Maria. Án ku Pa ne, or án tu án umsu, orete án som pa ne. Sane án nai suk gato bi sugum sye sato emas e, kemenyan sisu mur ete syo wa Pa.

Lukas 1:25

Sane Elisabet ki do, ”Su ré yo, Yefun Allah jimnotku ji it anare. Ji yo damen mo yé mwa gwem o nde, Yefun ben ji gum ndo it.”

Lukas 2:5

Yusuf si Maria mu mo Betlehem sino. Maria gato Yusuf nggorwa ne, Maria syimfar re. An we mu mo Betlehem subere an we krom an we gum mone.

Ibrani 10:5

Sane anato Kristus ma mo bur ré sa, An ki nai Yefun Allah sare do, ”Yé gu suge ete i-dé sye wa tot suktot mo sukibit gato yetu ben ne yo, Nan yo iwa nde. Sane dom, Nan yo iwa yé syo suksom bok yo daret nai Nan wa yé som Nan su nde, wo Nan dakai fro Ji kaim tepsu suktot ne o re.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.