Lukas 9:8 - Abun Scripture

⁸ Yé deyo ki do, yenabi Elia anato satu ma re. Yé deyo o ki do, yenabi dik yo kadit yenabi bok yo gato kam nyim tuya kem mo bur re, anato sun satu re {ete an frus an nggwa tepsu Yefun Yesus re}.

Lukas 9:8 ပူးပေါင်းရင်းမြစ်များ

Matius 16:14

Pakon ki do, ”Yé bok yo ki do, Nan anato Yohanes gato ras nje mo syur. {Ye ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yé bok yo o ki do, Nan anato yenabi Yermia, ondeyo yenabi ge dik yo o e ne.”

Matius 17:10

Sane pakon ka gri ne ndo mo Yefun Yesus do, ”Suma ben anato ye Yahudi bi yeguru agama ki do, Elia ma nyim mo Yetu bi Pa gwem mo bur ré ne?”

Markus 6:15

Sarewo yé deyo o ki do, ”Yenabi Elia anane.” Yé deyo o ki do, ”Yenabi dik yo o anane, tepsu yenabi gato kam nyim ki Yefun Allah bi sukdu-i gato Yefun tarubot án ne nai men bi amui.”

Markus 8:28

An bi pakon ki nai An do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o.”

Lukas 9:19

Pakon ki nai Yefun Yesus do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o gato kwop kam nyim, ete sun satu.”

Yohanes 1:21

Yesu mo Yefun Allah bi nu si ye Lewi ndo mo Yohanes o do, ”Je u anato nan ré ne? Nan anato yenabi Elia bado?” Yohanes ki do, ”Nde re.” Ete án ndo mo Yohanes o do, ”Sane Nan tepsu yenabi gato gwat Yefun Allah bi suktaru ma ós men ye Yahudi bado?” Yohanes ki do, ”Nde re.”