Lukas 9:7 - Abun Scripture

⁷ Herodes gato jowa nje mo bur Galilea ne, Herodes jam sukdu subot suk mwa gato Yefun Yesus si An bi pakon ben ne sa, Herodes nalar ket, we yé deyo ki nai an do, ”Ye ne anato Yohanes gato ras nje mo syur, ete ré ne an sun kadit sukkwop. {Orete an frus an nggwa tepsu Ye ne ete ben suk mwa ne re}.”

Lukas 9:7 ပူးပေါင်းရင်းမြစ်များ

Matius 11:2

Yohanes gato ras nje mo syur ne, yeraja Herodes bok mo sel re. Mone Yohanes jam sukdu subot suk gato Yesus Kristus ben ne sa, an syogat an bi pakon ge bok yo mu me Yefun Yesus. Yohanes bi pakon ndobot Yefun Yesus do,

Markus 8:28

An bi pakon ki nai An do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o.”

Lukas 13:31

Sugane ye Farisi bok yo ma ku Yefun Yesus, ete ye Farisi ne ki nai Yefun Yesus do, ”Nan kem more nde, Nan mu mo pe yi kadit ré, we Herodes mitwa gu Nan kwop wé.”

Lukas 21:25

”Bere Yefun Allah bi suktinggi bor mo gu anato kam e, aina e, bí e ne yo kas ri o nde. Bere sem nap sye teker dom. Yé mwa mo bur ré sino me suk sane, ete án nyu ndo nde, án jimnotbot teker.

Lukas 23:7

Pilatus jam do, Yefun Yesus ma kadit bur gato Herodes jowa ne sa, Pilatus syogat yé gwat Yefun mu mo Herodes. Sugane Herodes ma mo Yerusalem.

Lukas 3:1

{Yohanes gato Zakaria bi pa ne, an kem mo pe gato kwe yo kom mo nde mo bur Yudea.} Sugane ye Roma jom ye Yahudi bi bur. Sane, ye Roma bi yekwesu Kaisar Tiberius jowa ye mone sa, an bes Pontius Pilatus gum gubernur mo bur Yudea. Kaisar bes Herodes jowa nje mo bur Galilea dom. Herodes bi nji, Filipus jowa nje mo bur Iterea si Trakhonitis. Lisanias jowa nje mo bur Abilene. Kaisar jom nje mo ye Yahudi bi bur mu kom mo tahun musyu dik sop mek sa,

Lukas 9:19

Pakon ki nai Yefun Yesus do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o gato kwop kam nyim, ete sun satu.”