Lukas 9:56 - Abun Scripture

⁵⁶ Orge Yefun Yesus si An bi pakon mu kadit pe ne mu mo kampung yi re.

Lukas 9:56 ပူးပေါင်းရင်းမြစ်များ

Matius 18:10

”Sane nin mewa nin nggwa subere nin gwat os ibit wa pa wokgan sato ré nde, we Ji ki sare do, malaikat gato mewa pa ré mu ku Yefun Allah mo gu petok sor. [

Matius 18:11

Wo Yetu bi Pa to Ji ré ma mo bur ré wa kak os wa ye gato muket os ibit subere an brek kadit os ne ete kem ndo to kapyo mato kapyo.]

Matius 20:28

we Yetu bi Pa to Ji ré ma mo bur ré wa yé ben suk wa Ji nde, wo Ji ma wa Ji ós nje, ete Ji bi nggwa tepsu suktot mo sukibit gato yé mwa ben ne.”

Matius 5:39

Sarewo su ré, Ji ki sare do, ye gato ben sukibit nai nin it yo, nin waii ben sukibit nai an o nde. Ye yo gwa nin kwanke tak de syim ge yo, nin misyar an dakai gwa nin kwanke tak de syim jam o sor.

Lukas 19:10

Sane Yetu bi Pa to Ji ré ma mo bur ré wa Ji syeret ye gato jam nde Yefun Allah bi os-i, subere ji ós ye ne jam Yefun Allah bi os-i. Ji kak os wa ye ne subere an kem ndo to kapyo mato kapyo.”

Lukas 22:51

Pakon sap pakwerut ne dabe toko wé sa, Yefun Yesus ki do, ”Tep it!” Orete Yefun Yesus syimtok pakwerut ne dabe, Yefun Yesus ben pakwerut dabe ne kom satu re.

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

Lukas 9:55

Sarewo Yefun Yesus brek ma ndantom an we mo sukdu gato an we ki ne, we sukdu ne yo tepsu Yefun Yesus mit nde.

Lukas 9:57

Yefun Yesus si An bi pakon mubot os ne sa, yetu ge dik yo ma ete ki nai Yefun Yesus do, ”Ji kwop o, ji mbau o, ji simo Nan mu mo pe gato Nan mu mone pe sor.”

Yohanes 10:10

Ye gato syimsi suk, an ma wa nai yé bi suk or wé kadit nje, an ma wa gu nje kwop, an ma wa ben suk mwa mone ibit or re. Sarewo Ji ma kak os wa nje subere yé kem ndo to kapyo mato kapyo. Bere yé kem ndo wai o re, yé yo yewa suk yo o nde.

Yohanes 12:47

Ye to jam Ji bi sukdu, orete an yo benbot nde yo, Ji dakai yo syo sukye nai an nde. Ji yo ma mo bur ré wa Ji syo sukye nai yetu nde, wo Ji ma kak os ndo wa nin yetu subere nin kem ndo to kapyo mato kapyo.

Yohanes 3:17

We Yefun Allah yo bi An bi Gan ma mo bur ré wa syo sukye nai men mo bot gesyos nde, wo An bi An bi Gan ma mo bur ré wa An ós men yetu kem ndo to kapyo mato kapyo.

Roma 12:21

Sane men bi sukjimnut kas subot sukibit gato ye ben ma nai men ne sane sor men ben sukibit satu nde, wo men ben sukndo satu subere ye gato ben sukibit ne kwet o re.

1 Timotius 1:15

Sukdu gato ji ki ré suksangge, men nai ma, men grem kem pe mo men mit sor, sare do, ”Yesus Kristus ma mo bur ré wa ós men yetu gato ben sukibit, subere men ges mo bot gesyos nde, wo men kem ndo to kapyo mato kapyo.” Mo yé mwa gato ben sukibit mo bur ré, ji anato ben sukibit mwa wai kadit yé mwa ne sino o re.