Lukas 9:51 - Abun Scripture

⁵¹ Karowa bi kam gato Yefun Yesus mu kadit bur ré, ete An it mu mo gu, Yefun Yesus nai sukjimnut dik mo An mit do, An mu mo Yerusalem o et.

Lukas 9:51 ပူးပေါင်းရင်းမြစ်များ

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

Lukas 12:50

Bere Ji ku sukye ndo nde, bere yé gu Ji kwop. Ji kwabom dek subot sukye ne kom mo pe gato or mó.

Lukas 13:22

Yefun Yesus mu mo Yerusalem saresa, Yefun Yesus mubot kampung si kota mwa mo os, Yefun Yesus duno nje gato kem mone.

Lukas 17:11

Yefun Yesus mu mo Yerusalem. Yefun Yesus mu mone sa, Yefun Yesus mu ketbot os gato mubot bur Samaria si Galilea miten.

Lukas 18:31

Yefun Yesus kendo An bi pakon ge musyu dik sop we ma dor kadit yé yi, orete Yefun Yesus ki nai An bi pakon ne do, ”Men mu mo Yerusalem it anare. Suk mwa gato yenabi krom subot Ji gato Yetu bi Pa ne bere bor mone.

Lukas 19:11

Yé mwa mone syaretwa Yefun Yesus bi sukdu gato An ki ne sa, Yefun Yesus gwat sukamno dik yo. Pe ne karowa Yerusalem, sane yé mwa nut do, Yefun Yesus do sok mo Yerusalem it yo, sugane Yefun Allah ma ete jowa nje mone tepsu án bi Yekwesu.

Lukas 19:28

Yefun Yesus do ki sukdu ne or, Yefun Yesus mu mo kota Yerusalem. Yefun Yesus mu saresa, Yefun Yesus mu nyim mo yé mwa gwem.

Lukas 24:51

Yefun Yesus do ki suk su Yefun Allah wa An bi pakon saresa, Yefun Allah kar Yefun Yesus it mo gu kadit pakon ne re.

Lukas 9:57

Yefun Yesus si An bi pakon mubot os ne sa, yetu ge dik yo ma ete ki nai Yefun Yesus do, ”Ji kwop o, ji mbau o, ji simo Nan mu mo pe gato Nan mu mone pe sor.”

Yohanes 13:1

Karowa Kam Sye Waiket sa, Yefun Yesus jam do, bergan An mu kadit bur ré, An satu mu mo An bi Ai. An bi sukjimnut sye kas subot yé gato sok mo An bi rus-i mo bur ré. Yefun Yesus jimnotbot An bi rus-i ndo nde, An kadum An bi sukjimnut ne bor re.

Yohanes 16:28

Sangge, Ji ma kadit Yefun Allah. Ji ma mo bur ré re. Sarewo Ji mu kadit bur ré, Ji satu mu mo Ji bi Ai it anare.”

Yohanes 16:5

Wo Ji satu mu mo Ji bi Ai gato syogat Ji ma it anare. Sarewo nat gato Ji mu mone, nin ge bok ré yo ndo mo Ji subot nat ne nde.

Yohanes 17:11

Ji ma mo Nan it anare, Ji yo kem mo bur ré o nde, sarewo án ye gato Nan syo nai Ji ne kem mo bur ré tó. Ji bi Ai, gato gum kok tara wai kadit yetu, Nan bes Ji gum-i kok tepsu Nan gum-i gato bi suktinggi ne mó. Sane Nan yawa án kadit sukibit su Nan bi suktinggi ne et, subere án sino tepsu dik, tepsu Ji si Nan tepsu dik dom.

Yohanes 6:62

Nin sokme Yetu bi Pa to Ji ré it satu mo gu, mu mo pe gato Ji ma kadit ne yo, bere nin sa u ne?

Suk Gato Yerasul Ben Ne 1:2

sor kom mo kam gato An it mu mo gu. An yo it mu mo gu nde tó, Yefun Allah Gen bok nggwa mo An, ete An ki nai ye gato An bes gum yerasul subot suk gato bere An mitwa yerasul ben ne.

Suk Gato Yerasul Ben Ne 1:9

Yefun Yesus ki sukdu kom mone, orge Yefun Allah kar An it mu mo gu re. Yerasul sokwa An it mu mo gu saresa, yé sokwa, yé sokwa sane sor, nyotem kewa An re.

Efesus 1:20

Suktinggi ne bor su bi kam gato Yefun Allah sun Yesus Kristus kadit sukkwop ete bes Kristus kem kok tak An de syim ge mo gu. Kristus gum kok tepsu Yefun Allah dakai mone it.

Filipi 3:14

Sane anato ji wergat ji nggwa nggi gat petok sor, tepsu ji werwa ji kas nggi wai kadit ye yi neya, subere ji kom mo pe gato or nyim kadit ye yi ne, ete ji ku suk gato ndo mone. Suk gato ji iwa ji ku ne anato ji kem gesyos mo gu sisu Yesus Kristus. Yefun Allah fro os wa men subere men kem gesyos mo suk gato Yesus Kristus ma ben mo bur ré re.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 6:20

Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.