Lukas 9:49 - Abun Scripture

⁴⁹ Yohanes ki nai Yefun Yesus do, ”Yeguru, men me yetu ge dik yo syun semda ge bok yo wé, an ki gum su Nan gum. Sane men duyawa ye ne do, ’Nan ki gum su Yefun Yesus gum wa syun semda o nde, we nan yo sisu men nde.’ ”

Lukas 9:49 ပူးပေါင်းရင်းမြစ်များ

Matius 3:14

Sarewo Yohanes duyawa Yefun Yesus. Yohanes ki do, ”Mban! Nan ana ras ji mo syur sa. Wo Nan ma wa ji ras Nan mo syur wa suma ne?”

Lukas 5:5

Simon ki nai An do, ”Yenggras, noru gado sor kom mo nombrak, men bare mwi ware, men yo ku boge yo mo nde. Sarewo yenggras, Nan syogat ji bare mwi o yo, ji bare mwi satu sor.”

Lukas 9:33

Ye we ne do mu kadit Yefun Yesus sa, Petrus ki nai Yefun Yesus do, ”Yeguru o, men ka gri si Nan ma more anato ndo. Men nggo nu ti ke gri et, dik yo wa Nan, dik yo o wa Musa, dik yo o wa Elia” (Petrus ki sane, sarewo Petrus ki bi sukdu-i daret, an yo nutbot ndo nde.)

Suk Gato Yerasul Ben Ne 5:28

”Men syaugat nin ki sukdu subot Yefun Yesus o nde, wo suma ben to nin mu duno nje mo Yerusalem gat sor ne? Suk ne sor nde, wo nin ndak men ye Yahudi bi yepasye sare do, men anato gu Yefun Yesus kwop wé ne.”

1 Tesalonika 2:16

Ye Yahudi bok gane ben sukye wa men, subere men yo ku os wa men ki Yefun Allah bi sukdu nai yewis yi nde. Sukdu subot os ndo gato Yesus Kristus gato kak wa men subere men kem ndo to kapyo mato kapyo ne, ye Yahudi ne bariwa men ki nai yewis yi neya jam. Án ben sukibit mwa gat sane sor, tep more it. Su ré, bi kam-i ne tep it, Yefun Allah bi sukmaskwa kom mo án re.