Lukas 9:48 - Abun Scripture

⁴⁸ Orete Yefun Yesus ki nai An bi pakon do, ”Ye to mit kem mo Ji anato an kak an mit wa pa wokgan sato ré it yo, tepsu ye ne kak an mit wa Ji dom anane. Sane dom, ye to kak an mit wa Ji yo, ye ne kak an mit wa Yefun Allah gato syogat Ji ma more dom anane. Sane nin yé gato is an nggwa tepsu pa wokgan, bere Yefun Allah anato bes ye ne gum kok.”

Lukas 9:48 ပူးပေါင်းရင်းမြစ်များ

Matius 18:10

”Sane nin mewa nin nggwa subere nin gwat os ibit wa pa wokgan sato ré nde, we Ji ki sare do, malaikat gato mewa pa ré mu ku Yefun Allah mo gu petok sor. [

Matius 18:14

Sane dom, men bi Ai mo gu bariwa ye gato sok mo An bi rus-i sim ge dik yo muri kadit An.”

Matius 19:28

Yefun Yesus ki nai bi pakon do, ”Suk gato Ji ki ré suksangge anare, kam sari ne ma ete suk mwa ne be ete Yetu bi Pa gum Yekwesu gato kok sye wai o re yo, bere nin ge musyu dik sop we gato simo Ji waii gum yekwesu dom. Bere nin ndobot ye Israel bi yewis ge musyu dik sop we mone.

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’

Matius 25:45

Bere Ji ki do, ’Suk gato Ji ki ré suksangge anare, suk gato nin yo ben wa Ji bi rus-i nde, kapre yé ne pa wokgan, tepsu nin yo ben wa Ji dakai nde.’

Markus 9:37

”Ye to kak an mit wa pa wokgan sato ré, we an bi sukjimnut kem mo Ji yo, tepsu an kak an mit wa Ji dom anane. Sane dom, ye to kak an mit wa Ji yo, ye ne yo kak an mit wa Ji sor nde, wo ye ne kak an mit wa Yefun Allah gato syogat Ji ma more dom.”

Lukas 10:16

Orge Yefun Yesus ki nai An bi pakon do, ”Ye gato jammo sukdu gato nin ki ne yo, tepsu ye ne jammo sukdu gato Ji ki ne dom. Ye gato bariwa nin bi sukdu-i yo, tepsu ye ne bariwa Ji bi sukdu-i dom. Sarewo ye gato bariwa Ji yo, tepsu ye ne bariwa Yefun Allah gato syogat Ji ma mo bur ré.” {Yefun Yesus ki An bi sukdu nai An bi pakon or, pakon ge musyu mufit ne mu re.}

Lukas 14:11

we ye gato bes an nggwa kok tepsu an yepasye, bere Yefun Allah ben an damen o re, wo ye gato is an nggwa ga tepsu pa wokgan, bere Yefun Allah dakai bes an gum yepasye o re.”

Lukas 22:26

Sarewo nin ré, nin ben nin bi suk-i sane nde. Ye gato gum kok wai mo nin yo, bere an bes an nggwa tepsu yepasye nde, wo an ben an nggwa tepsu pa wokgan gato gum wok mo bur. Sane dom ye gato jowa nje yo, bere an bes nggwa kok nde, wo an ben suk tepsu pakwerut wa an bi rus sino et.

Lukas 22:30

Bere kam sari ne ma mo pe gato Ji jowa yé bok ne sino, nin sisu Ji, nin si Ji kem mone. Men git sino mo pe gato Ji fro wa yekwesu ne. Nin gum yekwesu, sane bere nin ndobot ye Israel bi yewis ge musyu dik sop we mone.”

Lukas 7:28

Yefun Yesus ki do, ”Ji ki sare do, Yohanes gato ras nje mo syur ne ku gum kok sye wai kadit yetu mwa gato nggon pe mo bur ré sino. Sarewo kadit kam ré o, ye gato tepsu pa wokgan mo Yefun Allah bi rus-i, bere ku gum sye wai kadit Yohanes o re.”

Yohanes 13:20

Suk gato Ji ki ré suksangge anare, ye gato iwa Ji bi pakon gato Ji syogat mu ne ma ku an yo, tepsu ye ne iwa Ji ma ku an anane. Ye gato iwa Ji ma ku an yo, tepsu ye ne iwa Ye gato syogat Ji ma mo bur ré ma ku an dom anane.”

Yohanes 14:21

Ye to jammo Ji bi sukdu-i, ete benbot yo, ye ne anato bi sukjimnut sye kas subot Ji. Bere Ji bi Ai bi sukjimnut sye kas subot an. Ji dom bi sukjimnut sye kas subot an, ete Ji kadum Ji nggwa nai an.”

1 Tesalonika 4:8

Sane ye gato bariwa sukduno ne it yo, án bariwa yetu bi sukduno-i nde, wo án bariwa Yefun Allah bi sukduno-i. Yefun Allah anato bok An Gen mo nin, sane nin bariwa An bi sukduno-i nde.

1 Petrus 5:6

Sane nin ben nin nggwa ga tepsu pa wokgan mo Yefun Allah gwem et. Nin ben nin nggwa ga mo Yefun gato nggiwa mewa nin sisu ndo wai ne. Bere An dakai bes nin gum kok tepsu bi kam gato An fro ne.

Wahyu 21:14

Ye ben ros syo mo jok sye musyu dik sop we yu. Mo jok bok ré ye krom Domba Gan bi yerasul ge musyu dik sop we ne gum mó.

Wahyu 3:21

Yé gato nggi wai kadit bur ré bi suk-i yo, bere Ji bes án gum kok. Bere án gum kok tep wa án si Ji tepsu yekwesu. Bere Ji ki nai yé ne do, ”Nin ma, nin sisu Ji kem kok mo Ji bi nat ré, men anato gum Yekwesu sino.” Ji anato nggi wai kadit bur ré bi suk-i, anato Ji si Ji bi Ai kem kok mo An bi nat-i re.