Lukas 9:41 - Abun Scripture

⁴¹ Sane Yefun Yesus ki do, ”Mban! Nin gare, nin yo onyar kem ri mo Yefun nde, nin su krat teker ware go! Ji bambrai wa Ji ben Ji bi suk-i njep si nin o it! Kam ot ete bere Yefun Allah nai Ji wé kadit nin ne? Nin gwat pa ne ma mo Ji et.”

Lukas 9:41 ပူးပေါင်းရင်းမြစ်များ

Matius 11:28

Nin yé gato syim syu ete sam sukde, nin ma mo Ji, ete Ji ós nin kem not.

Matius 12:39

Yefun Yesus ki do, ”Mban! Nin yé gato ben nin bi suk-i ibit wai, gato kem mo bur su ré te, nin werwa Ji ben suk yo wa ben Yefun Allah bi suktinggi bor e? Ji yo ben suk sane mo nin gwem nde. Sarewo tepsu Yefun Allah ben An bi suktinggi bor wa yenabi Yunus, bere An waii ben sane o wa nin me et.

Matius 12:45

Sane semda ne kendo semda ge mufit yo o gato mise wai kadit an sisu an mu kem mone dom. Semda bok ne ma, án sino bok nggwa mo ye ne. Sane kom mo rut sa, ye ne ibit wai kadit ketke ne o re. Sane dom, nin yé gato ben sukibit bu gato kem mo bur su ré, kam sari ne ma bere nin ibit wai kadit ketke ne o re.”

Matius 16:4

”Mban! Nin yé gato ben nin bi suk-i ibit wai, nin gato kem mo bur su ré te, nin werwa Ji ben suk yo wa ben Yefun Allah bi suktinggi bor e? Ji yo ben suk sane mo nin gwem nde. Sarewo tepsu Yefun Allah ben An bi suktinggi bor wa yenabi Yunus, bere An waii ben sane o wa nin me et.” Sane Yefun Yesus mu kadit án re.

Matius 17:17

Yefun Yesus ki do, ”Mban! Nin gare, nin yo onyar kem ri mo Yefun nde, nin su krat teker ware! Ji bambrai wa Ji ben Ji bi suk-i njep si nin o it! Kam ot, ete bere Yefun Allah nai Ji wé kadit nin ne? Nin gwat pa ne ma mo Ji et.”

Matius 23:36

Suk gato Ji ki ré suksangge anare, nin gato kem mo bur su kam ré, bere nin anato ku sukye mo yé mwa gato nin bi amui gu kwop ne.”

Matius 3:7

Ye Farisi si ye Saduki mwa ma mo Yohanes wa Yohanes ras án mo syur, sarewo Yohanes me án ma sa, Yohanes ki do, ”Nin yé gato kidar suk nggi, nin tepsu kwis jan, nin nut do, nin ma wa ji ras nin mo syur, bere ós nin titi fro kadit Yefun Allah bi sukmaskwa mo sukibit gato nin ben ne bado? Sane nde, nin kwet kadit sukibit gato nin ben ne dom et.

Markus 10:14

Yefun Yesus me suk gato An bi pakon ben ne sa, An maskwa ket An bi pakon. An ki do, ”Nin misyar pa wokgan ma mo Ji sor, nin duyawa nde, we ye gato jammo Ji tepsu pa wokgan jammo bi ai, bere Yefun Allah jowa ye ne.

Markus 10:49

Sane Yefun Yesus ti not, An syogat yé gwat ye gato gro ndu ne ma mo An. Yé mu ki nai ye gato gro ndu ne do, ”Nan ti tom! Yefun Yesus kendo nan ma it anare. Nan mit at wa et!”

Markus 9:19

Yefun Yesus ki nai yé mwa mone do, ”Mban! Nin gare, nin yo onyar kem ri mo Yefun nde, nin su krat teker ware! Ji bambrai wa Ji ben Ji bi suk-i njep si nin o it! Kam ot ete bere Yefun Allah nai Ji wé kadit nin ne? Nin gwat pa ne ma mo Ji et.”

Lukas 8:25

Orge Yefun Yesus ki nai An bi pakon do, ”Nin yo onyar kem ri mo Ji nde tó wa suma ne?” Pakon bok ne sino yeket suk gato Yefun Yesus ben ne. Pakon ne kwabom kro, ete án ki nai yu do, ”Mban! Je u ana ré ne? An syogat nofuf si em nap, ete nofuf si em nap ne jammo An re.”

Lukas 9:40

Ji ndek mo Nan bi pakon subere án syun semda ne wé kadit ji bi pa ware, án yo nggiwa ós ji bi pa nde.”

Lukas 9:42

Ye do gwat pa ne ma mo Yefun Yesus sa, semda ne ben pa ges gwa mo bur, semda ben pa kokro. Sarewo Yefun Yesus ndantom semda ne subere semda ne sombok wé kadit pa ne. Sane Yefun Yesus ben pa ne ge re, orete Yefun Yesus top pa ne satu mo pa bi ai.

Yohanes 14:9

Yefun Yesus ki nai Filipus do, ”Ji sisu nin nam it. Filipus, nan jam Ji yo ri nde tó bado? Ye to me Ji it yo, ye ne me Ji bi Ai dom anane it. Sane suma ben anato nan ki do, Ji kadum Ji bi Ai wa nan me ne?

Yohanes 20:27

Orete Yefun Yesus ki nai Tomas do, ”Nan me Ji syim wip no anare. Nan bok nan sopkwa mo Ji syim wip et. Nan syo nan syim ma, nan bok nan syim mo Ji syak wip ré et. Nan bi sukjimnut we subot Ji o nde, wo nan nai sukjimnut dik do, nan onyar kem mo Ji et!”

Suk Gato Yerasul Ben Ne 13:18

Men bi amui da ben sukibit mwa mo pe gato kwe yo kom mo nde, sarewo Yefun Allah yo misyar án nde, wo Yefun mewa án sor, kom mo tahun musyu at.

Suk Gato Yerasul Ben Ne 2:40

Petrus ki sane sor nde, wo an dunogat, an wergat nje gato sum mone, an ki do, ”Nin ben nin bi suk-i ibit tepsu yetu mo bur ré o nde, bere yé mwa ne ku sukye mone. Sane nin brek kadit yé mwa ne bi os-i, nin sok mo Yefun Allah bi rus-i kadit, subere nin ku sukye si yé mwa ne nde.”

Roma 2:4

Nin nut do, Yefun Allah dakai jimnotku nin, An yo syo sukye nai nin kekro nde, wo An eswa nin kwet kadit sukibit gato nin ben ne bado? Sangge, Yefun Allah da ben sukndo su nin sane, sarewo nin kamo su Yefun nde. Yefun Allah ben sukndo su nin, subere tik nin mit wa nin kwet kadit sukibit gato nin ben ne, nin dakai jam re.

Ibrani 3:19

Su ré men jam it, men bi amui gato bariket Yefun Allah bi sukdu-i ne yo sok mo nat gato Yefun Allah fro wa án nde, we án yo onyar kem mo Yefun Allah nde.

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Ibrani 4:2

Suk gato Yefun tom ne ndo wa men mó tó, we yé ki sukdu subot os ndo gato Yesus Kristus kak ne nai men. Yé kibot Yefun Allah bi sukdu nai ye Israel dom, sarewo án yo onyar kem mo sukdu ne nde, án su krat ware, sane sukdu ne yo ós án wa ku suk gato Yefun tom ne nde.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.