Lukas 9:32 - Abun Scripture

³² Sugane Petrus si bi yesyim we ne sem mit re. Sarewo an ka gri sun, an ka gri gensu Yefun Yesus kaim rer-rik. An ka gri gensu yetu ge we gato si Yefun Yesus ti mone.

Lukas 9:32 ပူးပေါင်းရင်းမြစ်များ

Markus 14:40

Orete Yefun Yesus satu ma o, An ku An bi pakon ka gri ne sem o re. Pakon ne gro rup ndo nde, sane pakon ne jam nde suk gato ndo wa án ki nai Yefun Yesus ne.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

2 Petrus 1:16

Yesus Kristus kem mo bur ré sa, men dakai me An bi suktinggi ne bor su men gro re. Men bi Yekwesu gato men me su men gro ré, men ki sukdu subot An nai nin jam mó re. Sane sukdu gato men ki ré ma kadit sukdu suski gato yetu ki wa kidar nje nde, wo men dakai me Yefun Allah bes Yesus Kristus gum kok wai o re, men me su men gro, orete men waii ki subot sukdu ne nai nin jam re.

1 Yohanes 3:2

Ji bi nji ji bi nyanggon gato ji jimnotku, su ré men anato Yefun Allah bi pá-i it, sarewo suk gato bere bor mo men su kam sari ne ma, men jam ri nde tó. Su kam gato Yesus Kristus satu ma it yo, bere men kaim-i ne tepsu An kaim-i ne re.