Lukas 9:30 - Abun Scripture

³⁰ Sugane pakon ka gri ne gensu yetu ge we bor mone. An we ne gum do Musa si Elia.

Lukas 9:30 ပူးပေါင်းရင်းမြစ်များ

Lukas 1:17

Bere pa ne fro os wa Yefun, ye Israel bi Yekwesu, gato bere ma ne. Bere Yefun Allah Gen bok nggwa mo pa subere an ki Yefun Allah bi suktaru. Bere an ben an bi suk-i tepsu Elia, gato yenabi kam nyim ne. Yefun Allah Gen bok nggwa mo pa ne, subere pa ben yenggras gato maskwa ket bi pa ne kem ndo satu. Ye gato bariwa jammo Yefun, bere pa ne kar yé ne satu kadit os ibit ma mo os ndo, ete án ben sukndo tepsu Yefun mit. Bere pa ne fro yé mwa subere án kak án mit wa Yefun gato bere ma mo án.”

Lukas 24:27

Orge Yefun Yesus ki rer nai pakon ne subot suk gato yé krom mo Yefun Allah bi sukdu subot An dakai. Ketke Yefun Yesus ki subot suk gato Musa krom subot An dakai, ete Yefun Yesus ki subot suk gato yenabi bok ne waii krom subot An ne o.

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Lukas 9:19

Pakon ki nai Yefun Yesus do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o gato kwop kam nyim, ete sun satu.”

Lukas 9:29

Yefun Yesus do ki suk su Yefun Allah sa, Yefun Yesus gwem tara o re. Yefun Yesus bi san gato An it ne kwo rer-rik.

Lukas 9:31

Musa si Elia ne, an we kaim rer-rik dom. An we nuk sukdu su Yefun Yesus mone. An we nukbot kam gato bere yé gu Yefun Yesus kwop mo Yerusalem. Bere su kam gane Yefun Yesus benbot suk gato Yefun Allah fro wa An ben ne.

Yohanes 1:17

Kam nyim tuya Yefun Allah taru An bi sukduno subot Musa, subere An kadum os wa ye Yahudi sok mo An bi rus-i. Sarewo gabere Yefun Allah syogat Yesus Kristus ma mo bur ré anato men jam Yefun Allah bi os-i sisu sangge. Yefun Allah ben sukndo su men dakai yi anato men me os ne bor mo suk gato Yesus Kristus ben ne.