Lukas 9:26 - Abun Scripture

²⁶ Bere Yetu bi Pa to Ji ré satu ma mo bur re. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye yi jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.

Lukas 9:26 ပူးပေါင်းရင်းမြစ်များ

Matius 16:27

We sare, Ji, gato Yetu bi Pa, bere Ji si Ji bi malaikat si Ji bi Ai bi suktinggi ne ma, ete syo suk gato ndo nai nje tepsu sukndo gato án ben ne.

Matius 25:31

”Su kam gato Ji, gato Yetu bi Pa, ma su Yefun Allah bi suktinggi ne tepsu nin yetu bi Yekwesu, bere Ji sisu Ji bi malaikat ma sino. Ji gum kok sye wai o re, Ji kem mo Yekwesu bi kursi gato ndo yé re.

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Markus 8:38

Bere Yetu bi Pa to Ji ré satu ma mo bur ré. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye gato ben sukibit bu mo bur ré jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.”

Yohanes 12:43

Yepasye ne nutbot án gum teker. Án iwa ye yi un án gum wai kadit án iwa Yefun Allah un án gum ne.

Yohanes 5:44

Nin bi sukjimnut sye wa ye yi un nin gum, ete nin bambrai wa Yefun Allah un nin gum ne yo, bere nin nai sukjimnut dik wa nin onyar kem mo Ji sa u ne? Yefun Allah, An ka dik ne sor, ye yi yo nggi wai kadit An nde. Sarewo nin yo werwa ben suk subere An un nin gum nde.

Suk Gato Yerasul Ben Ne 10:22

Ye ka gri ne ki do, ”Ye Roma bi yesukmise bi yesu gato gum do Kornelius syogat men ka gri ma more. An ben sukndo tepsu Yefun Allah mit, an jammo Yefun Allah. Ye Yahudi mwa ne sino un an. An ku Yefun Allah dakai bi malaikat ge dik yo. Malaikat ne syogat Kornelius ndekwa nan mu ku Kornelius mo bi nu, subere Kornelius jam nan bi sukdu et.”

Roma 1:16

Ji mit kem pe mo sukdu subot os ndo gato Yesus Kristus kak ne, ji yo damen wa nde, we Yefun Allah bi suktinggi bor mone anato yé mwa gato onyar kem mo Yesus Kristus ne sino, ku os wa án titi fro wé kadit bot gesyos, ete kem ndo to kapyo mato kapyo. Yefun Yesus kak os ne wa ye Yahudi sor nde, wo Yefun Yesus kak os ne wa yewis yi neya dom re.

2 Korintus 12:10

Sane anato mo pe gato ji yo nggi nde, bere Kristus bi suktinggi bor mone tó. Ji ben Kristus bi suk-i yo, ji iwa ji ku sukye mone, ji iwa yé kabor ji gum ket kwayo-kwayo e, ji ku sukye e, yé werwa yé gu ji mo Yefun Allah bi suk-i e, ji yewa sukyo-sukyo e ne. Mo sukye bok ne, ji yo nggi o nde yo, bere Kristus bi suktinggi bor sye mone, ete ben sato ji nggi wai kadit sukye gato ben ji rere ne o re.

Galatia 6:14

Wo ji dakai yo bes sukdu daret sane kok mo nde, wo ji bes sukdu subot men bi Yekwesu Yesus Kristus gato kwop mo kwesukwin ne kok sor. Ji bes sukdu subot Yesus Kristus mo kwesukwin ne kok wai, sane anato ben sato ji kwop kadit sukdu daret gato ye ki subot sunat e ne. Sukdu daret gato yé ki mo bur ré, ji misyar or re.

1 Timotius 5:21

Ji kiwa nan benbot ji bi sukdu-i ré, nan tom su ji mo Yefun Allah, Yesus Kristus si malaikat gato Yefun fro suga nyim wa ben Yefun bi suk-i sino ne gwem et. Nan tom su ji subere nan benbot suk gato ji krom ré sisu ndo et. Nan ben suk su yé mwa ne tepsu yu sino, nan ós deyo, nan misyar deyo nde, wo nan ós yé mwa ne sino tepsu yu sor.

2 Timotius 1:12

Ji ki subot sukdu ne anato ji ku sukye mwa ré, sarewo suk yo nde, ji yo damen nde, we Yefun Yesus gato ji onyar kem mó, ji jam kom mo mit re. Sukdu gato Yefun Yesus bes ji wa ji ki subot ne, bere An mewa sukdu ne sor, sukdu ne yo ges nde. Bere An mewa sor, kom mo kam gato An satu ma mo bur ré, ji jamwa re.

2 Timotius 2:12

Kapre men ku sukye, men misyar Yefun nde, wo men simo An pe sor, sane yo, bere men si An tepsu yekwesu sino. Men do rewa An yo, bere An rewa men dom.

Ibrani 11:26

Musa nut do, ye kabor an gum mo sukndo gato an ben anato ndo wai kadit an ku suk mwa mo bur Mesir ne sino, we an bi sukjimnut kas ko kom mo os ndo gato kam sari ne ma bere Kristus kak ne. An bi sukjimnut kas ko kom mo sukndo gato bere an ku mo Yefun bi nat-i.

Ibrani 13:13

Sane it yo, men mu kadit os nyim ete men ut mo os be gato Kristus kak ne et. Men ut mo An yo, men si An sino ku sukye ket kwayo-kwayo mone.

Yudas 1:14

Henokh kibot yé bok gane kadit nyim tuya wé re. Henokh anato Adam bi dat. Adam ku bi pa-i, or o bi pa-i ne ku bi pa-i sor kom mo wam mumat anato pe Henokh re. Henokh ki do, ”Bere men bi Yekwesu si malaikat mwa ndo nde gato ben Yefun bi suk-i ne ma. Malaikat ne, men yo ne ndo nde, mwa teker ware. Yefun si malaikat mwa ne ma

Wahyu 1:7

Sare, bere Yesus Kristus is kadit gu sisu nyotem ne ma. Yetu mwa ne sino bere me An dakai ma ne. Yé bok gato syer An bere ku An kaim ne dom. Sugane bere yé mwa ne sino mo bur ré iwedewe nderku nggwa mo An ndo nde. Digane it. Sangge.

Wahyu 20:11

Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.