Lukas 9:23 - Abun Scripture

²³ Orge Yefun Yesus ki nai yé mwa mone do, ”Ye to iwa simo Ji it yo, ye ne yo iwa ben suk ket an mit-i ne o nde, wo kamdik-kamdik an ben Ji bi suk-i sor, an tepsu ye gato sam an bi kwesukwin. Kapre an ku sukye mone, an kwop o, an mbau o an simo Ji pe sor.

Lukas 9:23 ပူးပေါင်းရင်းမြစ်များ

Roma 8:13

Men benbot suk gato Yefun Allah Gen kadum nai men ne sor, we men do benbot sukjimnut gato tik men mit wa ben sukibit ne yo, bere men kwop sor re. Sarewo men jammo Yefun Allah Gen sa, bere Yefun Allah Gen ben men nggiwa men kak sukibit gato men dakai ben ne wé kadit men re. Men do kak sukibit ne wé it yo, bere men kem sisu ndo it anane.

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

2 Timotius 3:12

Ye gato onyar kem mo Yesus Kristus ete iwa ben Yefun bi suk-i, sangge, bere yé gu an, bere an ku sukye mwa.

Titus 2:12

Men jam Yefun Allah bi sukjimnut sye kas subot men dakai yi anato kak men bi sukjimnut, sane men bariwa men ben suk siri kadit Yefun Allah mit. Men bariwa men ben suk ket men i sato yetu mo bur ré ben ne re. Sarewo men kem mo bur ré, men mewa men nggwa, men ben suk gato ndo sor, men ben suk ri tepsu Yefun Allah mit sor,

Ibrani 13:13

Sane it yo, men mu kadit os nyim ete men ut mo os be gato Kristus kak ne et. Men ut mo An yo, men si An sino ku sukye ket kwayo-kwayo mone.