Lukas 9:19 - Abun Scripture

¹⁹ Pakon ki nai Yefun Yesus do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o gato kwop kam nyim, ete sun satu.”

Lukas 9:19 ပူးပေါင်းရင်းမြစ်များ

Matius 14:2

Herodes ki nai yé gato ben suk su an do, ”Ye ne anato Yohanes gato ras nje mo syur, ete ré ne an sun kadit sukkwop. Yohanes frus an nggwa tepsu Ye ne sane anato Ye ne ku suktinggi wa ben suk gato ben men yeket ne.”

Matius 3:1

Orete Yohanes gato ras nje mo syur ne mu mo pe gato kwe yo kom mo nde mo bur Yudea. Yohanes duno nje mone.

Markus 6:14

Yé ki Yefun Yesus gum kas mu kom mo peyo-peyo anato Yeraja Herodes jam sukdu subot suk mwa gato Yefun Yesus ben ne. Yé deyo kibot Yefun Yesus do, ”Yohanes gato ras nje mo syur anane, an kwop wé re, ete ré ne Yohanes sun kadit sukkwop. Yohanes frus an nggwa tepsu Ye ne anato Ye ne ku suktinggi wa ben suk gato ben men yeket ne.”

Markus 6:15

Sarewo yé deyo o ki do, ”Yenabi Elia anane.” Yé deyo o ki do, ”Yenabi dik yo o anane, tepsu yenabi gato kam nyim ki Yefun Allah bi sukdu-i gato Yefun tarubot án ne nai men bi amui.”

Lukas 9:18

Wam dik yo Yefun Yesus si An bi pakon wadigan mu kadit yé mwa, ete Yefun Yesus ki suk su Yefun Allah mone. Yefun Yesus ki suk su Yefun or sa, Yefun Yesus ndo mo An bi pakon do, ”Yé mwa kibot Ji ré te, yé kibot Ji sa u ne?”

Lukas 9:20

Sane Yefun Yesus ndo mo An bi pakon do, ”Wo nin dakai, nin nutbot Ji sa u ne?” Petrus ki do, ”Nan anato Yekwesu, gato Yefun Allah bes gum Kristus, gato Yefun Allah syogat ma mo bur ré wa nai men yetu kadit sukye ete jowa men.”

Yohanes 1:21

Yesu mo Yefun Allah bi nu si ye Lewi ndo mo Yohanes o do, ”Je u anato nan ré ne? Nan anato yenabi Elia bado?” Yohanes ki do, ”Nde re.” Ete án ndo mo Yohanes o do, ”Sane Nan tepsu yenabi gato gwat Yefun Allah bi suktaru ma ós men ye Yahudi bado?” Yohanes ki do, ”Nde re.”

Yohanes 1:25

án ndo mo Yohanes o do, ”Nan ki do, nan anato Kristus nde, nan anato Elia nde, nan anato yenabi gato ós men ye Yahudi nde. Ben sa u anato nan ras nje mo syur ne?”

Yohanes 7:40

Yé mwa gato jam suk gato Yefun Yesus ki ne, deyo ki do, ”Ye gare sangge, An anato yenabi gato ma wa ós men ye Yahudi.”

Yohanes 9:17

Sane ye Farisi ndobot ye gato gro ndo satu ne o do, ”Nan dakai bi sukjimnut subot Ye gato ben nan gro ndo satu sa u ne?” Ye ne ki do, ”Ye gato ben ji gro ndo ne, An yenabi gato frot Yefun Allah bi suktaru nai men.”