Lukas 9:16 - Abun Scripture

¹⁶ Orge Yefun Yesus nai roti koi mumek si boge ge we ne. An nai, ete An sok mu nim mo gu, An ki do, ”Ndo mo Nan, Yefun Allah wa sugit gato Nan syo nai men ré.” Yefun Yesus ki sane or, Yefun Yesus syat roti si boge ne. An syo nai An bi pakon, ete An bi pakon ne waii syo bot yé mwa mone.

Lukas 9:16 ပူးပေါင်းရင်းမြစ်များ

Matius 14:19

Orete Yefun Yesus syogat yé mwa ne kem mo es mo bur, ete An nai roti koi mumek si boge ge we ne. An nai, An sok mu nim mo gu, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne ete syo nai An bi pakon. Pakon ne waii syo nai yé mwa mone git.

Matius 15:36

Orete Yefun Yesus nai roti koi mufit ne si boge, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne, An syo nai bi pakon, ete pakon waii syo nai yé mwa mone git.

Markus 7:34

Orge Yefun Yesus sok mu nim mo gu, An jimnotbot yebris ne teker, sane Yefun Yesus syesyar An mas nggi syu mu nden, ete An ki nai yebris ne do, ”Efata!” Efata bi sukjimnut su Yefun Yesus bi a ne do, ”Nan dabe si nan syokwet kak se!”

Lukas 22:19

Orete Yefun Yesus nai roti. An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Ji ku anare. [Ji syo Ji kaim ma kwop tepsu suktot wa sukibit gato nin ben ne. Sane nin benbot suk gato Ji ben ré subere nin napawa Ji.”

Lukas 24:30

An ka gri kem ga wa án git sugit sa, Yefun Yesus nai roti ma, ete An ki do, ”Ndo mo Nan, Yefun Allah wa roti gato Nan syo nai men ré.” Orge Yefun Yesus syat roti ne, An syo nai ye we re.

Lukas 9:15

Sane pakon benbot suk gato Yefun Yesus ki nai an re. Pakon syogat yé mwa ne sino syo yu kem bokbu sane, án kem bokbu dik dor kadit yu.

Lukas 9:17

Yé mwa ne sino git sor án on ge, orete pakon mu sum sugit napta ne bok mo yu. Sugit napta ne án sum sino bok mo yu musyu dik sop we ses.

Yohanes 6:11

Yefun Yesus nai roti gato pa yebris gwat ne, An nai sa, An ki do, ”Ndo mo Nan, Yefun Allah wa sugit gato Nan syo nai men ré.” Orete Yefun Yesus syobot yé mwa gato kem mone git sino. Orete An nai boge ne dom. Yefun Yesus ki do, ”Ndo mo Nan, Yefun Allah wa boge gato Nan syo nai men ré.” Orete An syobot yé mwa ne git sino. Yé mwa ne git sane sor yé on ge kai.

Yohanes 6:23

Orete kwem bok yo kadit kota Tiberias ma kom mone. Kwem ne nor karowa nat gato yé mwa git roti gato Yefun Yesus ki ndo mo Yefun Allah wa ne, ete syo nai án git ne.

Suk Gato Yerasul Ben Ne 27:35

Paulus ki sane, orge an nai roti, an ki ndo mo Yefun Allah wa roti ne mo yé mwa ne sino gwem. An syat roti ne wa an git.

Roma 14:6

Ye gato bes kam deyo gum kok kadit kam deyo o, an ben sane, we an iwa bes Yefun Allah gum kok mone. Ye gato git suk mwa daret, an ben sane, we an iwa bes Yefun Allah gum kok mone, ete an ki ndo mo Yefun Allah mo suk mwa gato an git ne. Sane dom, ye gato bariwa git sugit deyo, an ben sane, we an iwa bes Yefun Allah gum kok mone, ete an ki ndo mo Yefun Allah mo suk gato an git ne.

1 Korintus 10:30

Bere yé deyo o ki sare do, ”Men ki ndo mo Yefun Allah wa sugit gato men git ne yo, suma ben anato ye yi ki men gum ibit mo sugit ne?” {Ndo sa, men misyar men bi sukjimnut, ete men jammo ye ne bi sukdu-i, subere men ben suk yo wai kadit an bi sukjimnut mo an mit nde.}

1 Korintus 11:24

Yefun Yesus ki do, ”Ndo mo Nan, Yefun Allah wa roti gato Nan syo nai men ré.” Orete An syat roti ne, ete An ki do, ”Ji ku anare. Ji syo Ji kaim ma kwop tepsu suktot wa sukibit gato nin ben ne. Sane nin benbot suk gato Ji ben ré subere nin napawa Ji.”