Lukas 9:12 - Abun Scripture

¹² Karowa kam bok, ete Yefun Yesus bi pakon ge musyu dik sop we ma mo An. Pakon ne ki nai Yefun Yesus do, ”Yenggras, Nan syogat yé mwa ré mu subere án mu mo kampung bok neya gato karowa pe ré, subere án mu ku nje gato kem mone, subere án so sugit wa án git si án ku nat yo wa án sem mone dom, we mo pe ré ye yo kem mo nde re.”

Lukas 9:12 ပူးပေါင်းရင်းမြစ်များ

Matius 14:13

Yefun Yesus jam sukdu subot Yohanes sa, An it mo kwem ete mu kadit nat ne. An mu mo pe gato yé yo mo nde. An wadigan mu mone. Yé mwa mo kota bok neya jam An mu saresa, yé mwa ne sino muket gwes boribot An.

Matius 15:23

Sarewo Yefun Yesus yo ki sukdu kwa yo nai nggon ne nde. Sane Yefun Yesus bi pakon ma wergat Yefun do, ”Nan syogat nggon ne mu kadit men et, we mom boribot men ete saiye gat men petok sor, men bari it.”

Matius 15:32

Yefun Yesus kendo An bi pakon ma, ete An ki nai do, ”Ji dakai jimnotku yé mwa more ndo nde. Án si men kem more kom mo kam gri rek it. Su ré, án bi sugit yo mo nde. Sane Ji yo syogat án mu satu nde tó, men syo sugit nai án git et, sawe án mu su án on de bere án mbrin mo os mit.”

Lukas 9:11

Sarewo yé mwa mo kota bok neya jam do, Yefun Yesus si An bi pakon mu mo Betsaida sa, yé mwa ne boribot án dom. Yé mwa ne ma mone sa, Yefun Yesus kak An mit wa yé mwa ne, ete Yefun Yesus ki sukdu subot os ndo gato Yefun Allah fro wa nai men gum sok mo An bi rus-i subere An tepsu men bi Yekwesu. Yé bok ne gato i mone, Yefun Yesus ben yé bok ne ge dom.

Lukas 9:13

Sarewo Yefun Yesus ki do, ”Nin dakai anato syo sugit nai yé mwa ré git et!” Pakon ne ki nai Yefun Yesus do, ”Mban! Men bi roti koi mek si boge ge we sor re. Men bi sugit ne yo tep nde, sane Nan iwa men mu so sugit wa yé mwa ré git bado?”

Yohanes 6:1

Kam yo tak o, Yefun Yesus mu mo Em Galilea deta. Em Galilea ne, ye kendo gum dik yo o do Em Tiberias.

Filipi 1:19

we ji jam do, bere yepasye sombok ji kadit sukye gato ji ku mo sel ré. Nin ki suk su Yefun wa ji, sane bere Yefun Gen ós ji dom anato ji jam do, bere yé sombok ji re.