Lukas 9:11 - Abun Scripture

¹¹ Sarewo yé mwa mo kota bok neya jam do, Yefun Yesus si An bi pakon mu mo Betsaida sa, yé mwa ne boribot án dom. Yé mwa ne ma mone sa, Yefun Yesus kak An mit wa yé mwa ne, ete Yefun Yesus ki sukdu subot os ndo gato Yefun Allah fro wa nai men gum sok mo An bi rus-i subere An tepsu men bi Yekwesu. Yé bok ne gato i mone, Yefun Yesus ben yé bok ne ge dom.

Lukas 9:11 ပူးပေါင်းရင်းမြစ်များ

Matius 12:15

Yefun Yesus jam sukdu subot suk gato ye Farisi fro ne sa, An mu kadit nat ne. Yé mwa boribot An, An ben yé mwa ne sino gato i ne ge re.

Matius 14:14

Yefun Yesus mu kom motu ete is kadit kwem sa, yé mwa sum mone. An dakai jimnotku yé mwa ne, ete An ben ye gato i ne ge re.

Matius 21:31

Sane Yefun Yesus ndo mo yekwesú mo Yefun Allah bi nu si ye Yahudi bi yepasye mone do, ”Kadit pa we ré, je u anato benbot suk gato pa we bi ai ki ne?” Án ki do, ”Pa futmo.” Sane Yefun Yesus ki nai án do, ”Suk gato Ji ki ré suksangge anare, yé gato ben sukibit sato yé gato nai sugum kadit nje wa pemerintah si nggon gato ben siri mwa ne bere án sok mo Yefun Allah bi rus-i nyim kadit nin re. {Án tepsu pa futmo, wo nin tepsu pa wari.}

Matius 21:43

Yefun Yesus ki o do, ”Sane Ji ki sare do, nin ben sukibit sane bere Yefun Allah syun nin wé kadit An bi rus-i. Nin bi yewis-i yo tep wa sok mone o nde, wo yewis gato iwa jammo Yefun bere sok mo Yefun Allah bi rus-i ne win nin or re. [

Lukas 1:53

Ye gato on de, ye gato yéwa suk, Yefun Allah syo suk mwa gato ndo nai yé ne, sarewo ye gato ku suk mwa, Yefun Allah syun yé ne mu yi.

Lukas 5:31

Sane Yefun Yesus ki nai án do, ”Ye gato yo i nde, bere an yo meret dokter nde, wo ye gato i sa, bere an meret dokter.

Lukas 8:1

Orge Yefun Yesus mu kadit pe ne sa, Yefun Yesus mubot kampung si kota bok yo mone, Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Yefun Yesus mu saresa, An bi pakon ge musyu dik sop we si An mu sino.

Lukas 8:10

Sane Yefun Yesus ki nai An bi pakon do, ”Sukdu gato Yefun Allah gurik suga nyim subot os gato bere Yefun Allah fro wa yetu sok mo An bi rus-i ne, Yefun Allah tarubot Ji, subere Ji ki rer wa nin dakai jam kom mo mit. Sarewo ye yi neya yo jam sukdu ne rer kom mo mit nde tó. Ji duno án su sukamno sor, subere án da me sare, án yo me rer kom mo koirut nde; án da jam sare, án yo jam sukdu ne rer kom mo mit nde.”

Lukas 9:10

Yefun Yesus bi pakon satu kadit nat mwa gato án mubot ne sa, pakon ne ki nai Yefun Yesus subot suk mwa gato án ben mone. Ete Yefun Yesus ki nai An bi pakon do, ”Men mu kadit pe ré et.” Sane Yefun Yesus si An bi pakon wadigan mu mo kota gato gum do Betsaida.

Lukas 9:12

Karowa kam bok, ete Yefun Yesus bi pakon ge musyu dik sop we ma mo An. Pakon ne ki nai Yefun Yesus do, ”Yenggras, Nan syogat yé mwa ré mu subere án mu mo kampung bok neya gato karowa pe ré, subere án mu ku nje gato kem mone, subere án so sugit wa án git si án ku nat yo wa án sem mone dom, we mo pe ré ye yo kem mo nde re.”

Lukas 9:2

Yefun Yesus syo suktinggi nai An bi pakon ne, orete Yefun Yesus syogat An bi pakon mu ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Yefun Yesus syogat An bi pakon mu ki sukdu ne sor nde, wo pakon ne mu ben ye gato i ne ge kadit án bi suki ne dom.

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

Yohanes 6:37

Yé mwa gato Ji bi Ai syo nai Ji, bere án sino ut mo Ji. Ye to ma ut mo Ji yo, Ji yo syun ge dik yo wé dom nde.

Suk Gato Yerasul Ben Ne 28:31

Paulus yo nyu nde, an ki sukdu subot men bi Yekwesu Yesus Kristus, an ki subot os ndo gato Yesus Kristus kak wa men yetu gum sok mo Yefun Allah bi rus-i, bere Yefun Allah tepsu yekwesu wa men mone. Paulus duno nje sane sor, yé yo ma duyawa an nde.

Roma 10:14

Sarewo ye gato yo onyar kem mo Kristus nde tó, bere ye ne ndekwa Yefun Allah ós an sa u ne? An yo ku os nde. Sane dom ye gato jam sukdu subot Kristus nde tó, bere an onyar kem mo Kristus sa u ne? An yo ku os nde. Sane dom, ye yo mu ki sukdu ne nai an nde tó, bere an jam sukdu subot Kristus sa u ne? An jam nde.

Roma 10:17

Sane anato yé mu ki sukdu subot os ndo gato Yesus Kristus kak ne, bere yé jam sukdu subot Kristus re. Yé jam sukdu subot Kristus, sane bere yé ku os wa ye onyar kem mo Kristus mone.

Roma 15:3

Men misyar suk gato men dakai iwa men ben ne, ete men ben suk wa men ós ye yi, we Kristus dom misyar suk gato An dakai iwa ben ne, ete ós men re. Tepsu ye krom mo Yefun Allah bi sukdu, Yefun Yesus ki nai bi Ai do, ”Sukkabor gato ye kabor Nan su ne, Ji ku win Nan re.”

2 Timotius 4:2

Nan ki subot os ndo gato Yefun Allah fro wa yé mwa jam sisu ndo et. Nan duno nje gat, ye bari o, ye iwa o, nan duno nje gat sor. Nan me ye gato ben sukibit yo, nan ki mo án, nan ndantom án subere án kwet kadit sukibit gato án ben ne, ete án ben suk gato ndo. Nan wergat nje subere án benbot sukduno gato nan duno án su ne. Nan duno nje sisu njep sor. Kapre ye yo jammo nan bi sukduno kekro nde, nan maskwa wokgan dom nde, wo nan werwa kom-kem petok sor.

Ibrani 4:16

Sane men yo nggi nde yo, men karowa Yefun et. Men nyuwa men ki men bi sukdu-i su Yefun Allah nde, wo men ki sor, men damen wa nde. Men jam do, men yo ben suk yo nyim wa An nde, wo Yefun ben An bi suk-i su men yo, An dakai bi sukjimnut sye kas subot men yi sor, bere Yefun ós men mone. Sane men ndekwa An os men et, subere An syo suk mwa gato ndo nai men dakai yi tepsu bi kam gato men mitmo suk ne su.