Lukas 8:50 - Abun Scripture

⁵⁰ Yefun Yesus jam sukdu gato ye ne ki ne sa, Yefun Yesus ki nai Yairus do, ”Nan nyu nde, nan onyar kem mo Ji sor, bere nan bi mam ge re.”

Lukas 8:50 ပူးပေါင်းရင်းမြစ်များ

Yohanes 11:40

Yefun Yesus ki nai Marta do, ”Tomga u Ji ki nai nan sare do, nan onyar kem mo Ji yo, bere nan me Yefun Allah bi suktinggi gato sye bor mo bur ré re.”

Yohanes 11:25

Yefun Yesus ki nai Marta do, ”Ji anato sun nje kadit sukkwop. Ji anato ben yetu mbau. Ye gato onyar kem mo Ji yo, kapre an kaim kwop, bere an kem ndo mone tó.

Markus 5:36

Yefun Yesus misyar yé ne bi sukdu-i, ete An ki nai Yairus, gato yesu mo nu ari ne do, ”Nan nyu nde, nan onyar kem pe mo Ji sor.”

Lukas 8:48

Orete Yefun Yesus ki nai nggon ne do, ”Pa donggon, nan onyar kem mo Ji, anato nan ge re. Nan mu, nan kem not sor.”

Roma 4:17

tepsu ye krom mo Yefun Allah bi sukdu, Yefun Allah ki nai Abraham do, ”Ji anato bes nan tepsu ye gato duk os su ketke wa yewis mwa gato kem mo bur ré or sino.” Yefun Allah tom suk su Abraham anato ben sato Abraham tepsu men bi ai re. Abraham onyar kem mo suk gato Yefun Allah ki ne. Abraham jam do Yefun Allah anato nggiwa sun yekwop mbau satu, Yefun Allah nggiwa ut suk gato yo mo nde, Yefun Allah ki sukdu ne sor, bere suk ne bor re.

Markus 9:23

Yefun Yesus ki do, ”Nan ki sa u ne? Nan ki do, Ji bi suktinggi tep bado, yo tep nde e? Ye gato onyar kem mo Ji yo, ye ne jam do, sangge suk mwa ne sino gato an ndek mo Ji, Ji bi suktinggi tep wai mó re, suk gato yé teker wa Ji ben ne yo mo nde.”

Roma 4:20

Abraham bi sukjimnut we subot suk gato Yefun tom ne nde, wo an onyar kem pe mo Yefun ne nggi wai kadit nyim ne o re, ete an bes Yefun Allah gum kok sye wai sor.

Lukas 8:51

Yefun Yesus mu kom mo Yairus bi nu sa, Yefun Yesus ki nai yé mwa mone do, ”Nin kem mo nden, nin sok mo nu mit su men nde.” Yefun Yesus si bi pakon ka gri gato Petrus, Yohanes si Yakobus, si pa gato kwop ne bi im si bi ai anato sok mo nu mit sor re.