Lukas 8:47 - Abun Scripture

⁴⁷ Nggon ne jam do, Yefun Yesus jamwa re. Sane, nggon ne kwabom kro, mom ma mo Yefun Yesus, mom tetet, mom bare nggwa mo Yefun Yesus gwem. Mo yé mwa miten, nggon ne nukbot suk gato ben mom anato mom rot Yefun Yesus bi san nap ne. Nggon ne ki do, mom do rot Yefun Yesus bi san nap sa, sugane it mom jam nde suki gato ben mom ne or re, mom ge satu re.

Lukas 8:47 ပူးပေါင်းရင်းမြစ်များ

Matius 28:8

Sane nggon we ne mu kekro kadit makwe ne. Nggon we ne nyu ndo nde, sarewo nggon we mit iwa suk gato nggon we me ne, ete nggon we kas mu ki napyo nai Yefun Yesus bi pakon ne jam.

Markus 5:33

Nggon ne jam suk gato bor mo mom re, sane mom ma bare nggwa mo Yefun Yesus gwem. Mom kwabom kro ndo nde, mom tetet, ete mom nukbot suk mwa gato bor mo mom ne.

Lukas 8:46

Sarewo Yefun Yesus ki do, ”Yetu ge dik yo rot Ji, we Ji jam do, Ji bi suktinggi syesyar kadit Ji kaim it.”

Lukas 8:48

Orete Yefun Yesus ki nai nggon ne do, ”Pa donggon, nan onyar kem mo Ji, anato nan ge re. Nan mu, nan kem not sor.”

Suk Gato Yerasul Ben Ne 16:29

Yekwesu mo penjara ne, an syogat ye gwat sukru ma, an kas ngga mo gumwak mit, an kwabom kro, an bare nggwa mo Paulus si Silas gwem.

1 Korintus 2:3

Ji ba ku nin mone sa, ji kaim rere, ji nyu, ji kaim kro ndo nde.

2 Korintus 7:15

Su ré, Titus bi sukjimnut sye kas subot nin wai kadit nyim neya o re, we an napakom nin do, nin sino iwa jammo an, ete nin ku an sa, nin nyu si nin tetet mo an.

Filipi 2:12

Sane yo, nin, ji bi yesyim gato ji jimnotku, nin benbot ji bi sukduno gato ji ki ré et. Yefun Allah anato nai nin sok mo An bi rus-i wé kadit bot gesyos it, sane nin ben nin bi suk-i tepsu yé gato jammo An et. Suga ji kem su nin tó yo, nin benbot ji bi sukdu petok sor. Sarewo su ré ji yo kem su nin nde, sane nin jammo ji bi sukduno pe, tepsu ji kem si nin tó. Mo suk mwa gato nin ben ne, nin jammo Yefun Allah sor, nin bi nin nggwa mo An, nin ben suk tepsu An mit,

Ibrani 12:28

Sane, men ki ndo mo Yefun Allah et, we An nai men gum sok mo nat gato An jom, gato kem krat ne it. Sane men ki ndo mo Yefun Allah, men som An et. Men bes An gum kok, men jammo An, sagato An dakai iwa men ben ne sor,