Lukas 8:44 - Abun Scripture

⁴⁴ Nggon ne mu karowa Yefun Yesus kadit Yefun Yesus de dari, ete mom rot Yefun Yesus bi san nap. Nggon ne do rot Yefun Yesus bi san nap ne sa, nggon ne fo or it anane.

Lukas 8:44 ပူးပေါင်းရင်းမြစ်များ

Matius 20:34

Yefun Yesus dakai jimnotku ye we ne. An ak syim mo ye we ne gro, or ye we ne gro ndo satu it anane. Orete ye we ne simo Yefun Yesus.

Matius 8:3

Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Matius 9:20

Án sino mubot os saresa, nggon gato fo sor kom mo tahun musyu dik sop we mu karowa Yefun Yesus kadit Yefun Yesus de dari, ete nggon ne rot Yefun Yesus bi san nap.

Markus 6:56

Mo pe bok ne sino gato Yefun Yesus mu mone, mo kota e, mo kampung e, mo nden e ne, yé sam ye gato i ne ma ete grem mo pasar mo nat gato yé so suk mó. Mone yé gato i ne ndek gat Yefun Yesus subere án rot Yefun Yesus bi san nap sor re, subere án ge re. Sane yé mwa ne sino gato rot Yefun Yesus bi san nap ne, án ge re, án jam nde án bi suki ne or re.

Lukas 13:13

Orete Yefun Yesus ak An syim mo nggon ne. Yefun Yesus do ak An syim mo nggon ne sa, nggon ne nyoran ri satu it anane, orete mom un Yefun Allah.

Lukas 7:38

Nggon ne ti mo Yefun Yesus de dari, karowa An gwes tak, orete nggon ne wo, mom gro rom sye mo Yefun Yesus gwes tak. Orge nggon ne singgri Yefun Yesus gwes tak sa su mom sugo, mom ni Yefun Yesus gwes tak, ete mom syé manik gato grik ne mo Yefun Yesus gwes tak.

Lukas 8:43

Nggon ge dik yo gato fo sor kom mo tahun musyu dik sop we ma si yé mwa mone dom. Nggon ne syo mom bi suk mwa ne or nai dokter bok yo ware, nggon ne yo ge mo nde.

Lukas 8:45

Yefun Yesus ndo mo yé mwa mone do, ”Je u anato rot Ji ne?” Yé mwa mone rewa re, án ki do, ”Men jam nde.” Orete Petrus ki nai Yefun Yesus do, ”Yenggras, yé mwa ré buk mo yu gat Nan, sane men jam nde.”

Yohanes 5:13

Sarewo ye gato ge kadit an bi suki ne jam nde Ye gato ben an ge ne, we Yefun Yesus fres mo yé mwa miten kadit an re.

Suk Gato Yerasul Ben Ne 19:12

Sane ye gwat san det wokgan gato Paulus syimtok e, ye gwat san gato Paulus it mo an on ke e ne, ye gwat san gane mu ak mo ye gato i sa, ye gato i ne ge re. Sane dom ye gwat san det gane ak mo ye gato semda ben ne sa, semda ne titi wé kadit ye ne, orge ye ne ge re.

Suk Gato Yerasul Ben Ne 5:15

Sane ye gwat ye gato ku suki ne ma. Ye grem sem mo bi sun mo os miten eswa Petrus muket os ne, subere Petrus gen do tok ye gato i ne yo, bere ye ne ge re.