Lukas 8:41 - Abun Scripture

⁴¹ Sugane yetu ge dik yo gato gum do Yairus ma mo Yefun Yesus. Yairus ré an yesu ge dik yo mo ye Yahudi bi nu ari. Yairus ma mone sa, an bare nggwa mo Yefun Yesus gwem, ete an ndek gat Yefun Yesus do, ”Yenggras, Nan si ji mu mo ji bi nu et.”

Lukas 8:41 ပူးပေါင်းရင်းမြစ်များ

Lukas 13:14

Yefun Yesus ben nggon ne ge su ye Yahudi bi kam sye, kam Sabat, sane yekwesu mo ye Yahudi bi nu ari ne, yekwesu ne maskwa Yefun Yesus. An ki do, ”Ari dik bi kam mumat rek wa men ben suk, men ben su kam Sabat nde. Sane nin iwa nin ge kadit nin bi suk-i ne yo, kam mumat ne tep wai mo re, wo nin ma su kam sye sare nde.”

Lukas 17:16

Ye ne ma kom mo Yefun Yesus sa, an bare nggwa mo Yefun Yesus gwem, an un Yefun Yesus, an ki do, ”Ndo mo Nan.” Ye ne ye Samaria.

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Lukas 8:42

Yairus ndekwa Yefun Yesus ma mo an bi nu, we Yairus bi mam i, bergan mom kwop rok. Yairus bi mam ne ge dik sor, mom sye kom mo tahun musyu dik sop we. Sane Yefun Yesus mubot os mu mo Jairus bi nu saresa, yé mwa ne kamas buk mo yu kadit os deyo-deyo, yé mwa ne buk mo yu gat Yefun Yesus mone.

Lukas 8:49

Yefun Yesus ki suk su nggon ne saresa, yetu ge dik yo ma kadit Yairus bi nu, Yairus gato yesu mo ye Yahudi bi nu ari mone. Ye ne ki nai Yairus do, ”Nan bi mam kwop re. Nan syimfar yenggras mu mo nan bi nu o nde.”

Yohanes 11:21

Marta ki nai Yefun Yesus do, ”Yenggras, Nan si men more sa, bere ji bi nji yo kwop nde.

Suk Gato Yerasul Ben Ne 13:15

Mo nu ari ne, ye baca sukdu mo Musa si yenabi bok yo o bi buku, orge yekwesu mo nu ari ne syogat ye mu ki sukdu nai Paulus si bi yesyim ne do, ”Ji bi nji, nin bi sukduno yo wa ós men more it yo, nin ki mó et.”

Suk Gato Yerasul Ben Ne 18:17

Án ge bok ne yo mu mo nden nde tó, yé but Sostenes gato yekwesu mo ye Yahudi bi nu ari, orge yé gwa an kete mo Galio gwem. Sarewo Galio misyar re.

Suk Gato Yerasul Ben Ne 18:8

Krispus, yekwesu mo ye Yahudi bi nu ari ne, an si an bi rus-i sino nai sukjimnut do, án brek kadit os nyim, ete án jammo Yefun Yesus tepsu an bi Yekwesu sor, án onyar kem mo Yefun Yesus it. Sane dom, yé mwa gato kem mo kota Korintus jam Paulus nuk sukdu subot Yefun Yesus anato án onyar brek kadit os nyim, ete án jammo Yefun Yesus tepsu án bi Yekwesu. Yé mwa ne nai sukjimnut sane, orete ye ras án mo syur.

Suk Gato Yerasul Ben Ne 9:38

Kota Yope si kota Lida karowa yu. Yé gato onyar kem mo Yefun Yesus mo kota Yope jam do Petrus kem mo kota Lida sa, án syogat yetu ge we mu kar Petrus ma kekro. Ye we ne wergat Petrus do, ”Nan ma men mu kekro se!”

Wahyu 5:8

Domba Gan ne nai buku sa, suge at si yenggras ge musyu we sop at ne bare nggwa sino mo Domba Gan gwem. Án sino jom kecapi si mbem emas ses su suk yo gato ye gre ete i-bu basmi grik ndo. Suk gato grik ndo ne tepsu sukdu gato yé gato onyar kem mo Yefun Yesus ki nai Yefun Allah ne.