Lukas 8:30 - Abun Scripture

³⁰ Orete Yefun Yesus ndo mo semda ne do, ”Nan gum sa u ne?” Semda ne ki do, ”Ji gum do Legiun,” we semda mwa bok nggwa mo ye ne it. {Legiun bi sukjimnut do yesukmise mwa yé re, ge ribu dik wai.}

Lukas 8:30 ပူးပေါင်းရင်းမြစ်များ

Matius 26:53

Ji nggiwa Ji kendo Ji bi Ai bi yesukmise malaikat pasukan musyu dik sop we ma su ré it. Nan jam nde bado?

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Matius 8:29

Semda ben ye we ne saiye ket Yefun Yesus do, ”Yefun Allah bi Gan, Nan ma ku men wa suma ne? Men yo kom mo kam gato Yefun Allah ma ndobot men yetu nde tó, ete Nan ma wa ben sukye nai men su mit ré bado?”

Markus 16:9

Kam Ari nyotkwo, Yefun Yesus sun kadit sukkwop sa, ketke Yefun Yesus kadum An nggwa nai Maria gato bi nat mo Magdala. (Maria ré, suga nyim Yefun Yesus syun semda ge mufit wé kadit mom.) Nggon ka gri ne mu ku Petrus si bi yesyim bok ne, orete an ka gri ki sukdu sap subot suk mwa gato pa yemsok ki nai án.

Markus 5:9

Orete Yefun Yesus ndo mo semda ne do, ”Nan gum sa u ne?” Semda ne ki do, ”Ji gum do Legiun, we men ré ge mwa ndo nde.” {Legiun bi sukjimnut do yesukmise mwa yé re, ge ribu dik wai.}

Lukas 8:2

Nggon ge bok yo si Yefun Yesus mu sino dom. Nggon ge bok ne Yefun Yesus ben ge kadit bi suki, Yefun Yesus syun semda wé kadit re. Nggon ge bok ne, dik yo gum do Maria gato bi nat mo Magdala. Yefun Yesus syun semda ge mufit wé kadit Maria ne.

Lukas 8:29

Yesemda ne ki sukdu ne, we Yefun Yesus ki nai ye ne nyim wé do, ”Semda, nan sombok kadit ye ré se!” Sagana semda ben yebris ne, yé da rai yesemda ne gwes si syim su rantai wam bok yo mó re, yé da mewa an dom re, sarewo rantai bok ne an toko wé, orete semda ben an mu mo pe gato nje yo kem mo nde.