Lukas 8:25 - Abun Scripture

²⁵ Orge Yefun Yesus ki nai An bi pakon do, ”Nin yo onyar kem ri mo Ji nde tó wa suma ne?” Pakon bok ne sino yeket suk gato Yefun Yesus ben ne. Pakon ne kwabom kro, ete án ki nai yu do, ”Mban! Je u ana ré ne? An syogat nofuf si em nap, ete nofuf si em nap ne jammo An re.”

Lukas 8:25 ပူးပေါင်းရင်းမြစ်များ

Matius 14:31

Sugane it, Yefun Yesus syimtok an, ete ki do, ”Nan gare, nan yo onyar kem ri mo Ji nde tó. Nan bi sukjimnut we subot suk gato Ji ki nai nan ne wa suma ne?”

Matius 17:20

Yefun Yesus ki do, ”Nin yo onyar kem mo Yefun krat tep wa ben pa ne ge nde. Suk gato Ji ki ré suksangge anare, nin onyar kem mo Yefun wokgan sor re, saga sawi gro wokgan ne, bere nin ku suktinggi tep wa nin syogat bobuk ré do, ’Nan mu kem motu et!’ orete bobuk ne mu re. Bere nin nggiwa ben suk mwa ne sino. [

Matius 6:30

Yefun Allah syo es u tepsu san wa es gato dakai kom ne. Es ne kom su kam ré, sarewo bere ik es ne te, ete yé syo bot git wé re. Yefun Allah bi sukjimnut sye mo men yetu, sane bere An mewa nin su san gato ndo wai kadit ne o re. Sane suma ben to nin yo onyar kem ri mo Yefun nde tó ne? Bere Yefun Allah syo suk gato nin mitmo ne.

Matius 8:10

Yefun Yesus jam yesukmise bi yesu bi sukdu ne sa, An yeket, ete An ki nai yé bok yo gato simo An mone do, ”Mban! Ye gare sa. Suk gato Ji ki ré suksangge anare, mo ye Israel bok ne sino, Ji yo ku ye gato onyar kem mo Ji tepsu ye gare mo nde.

Matius 8:26

Yefun Yesus ki do, ”Nin nyu wa suma ne? Mban! Nin yo onyar kem ri mo Ji nde tó go!” Yefun Yesus ki sane, orete An sun, An syogat nofuf ne not, An syogat em gato nap ne kro. Sugane it, em si nofuf ne kro re.

Markus 4:35

Yefun Yesus ki An bi sukdu or sa, An kem mo kwem mit ne tó. Kre, ete Yefun Yesus ki nai An bi pakon ne do, ”Men mbros kwem mu mo em deta et.”

Lukas 12:28

Yefun Allah syo es u tepsu san wa es gato dakai kom ne. Es ne kom su kam ré, sarewo bere ik ete es ne te, orete yé syo bot git wé re. Yefun bi sukjimnut sye wai subot men yetu, sane bere An mewa nin su san gato ndo wai kadit ne o re. Sane nin onyar yo kem ri mo Yefun nde wa suma ne? Bere Yefun Allah syo suk gato nin mitmo ne.

Lukas 8:24

Sane Yefun Yesus bi pakon sun An, ete pakon ne ki do, ”Yeguru, bergan kwem kru su men it anare.” Yefun Yesus sun, ete An syogat nofuf gato kas nggi ne not, An syogat em nap gato sye ne kro. Yefun Yesus do ndantom nofuf si em nap ne sa, nofuf yo kas o nde, em nap ne dom kro re, em ne kro or re.

Lukas 8:26

Yefun Yesus si An bi pakon bi win saresa, án mu kom mo bur Gerasa mo em Galilea deta.

Yohanes 11:40

Yefun Yesus ki nai Marta do, ”Tomga u Ji ki nai nan sare do, nan onyar kem mo Ji yo, bere nan me Yefun Allah bi suktinggi gato sye bor mo bur ré re.”