Lukas 8:24 - Abun Scripture

²⁴ Sane Yefun Yesus bi pakon sun An, ete pakon ne ki do, ”Yeguru, bergan kwem kru su men it anare.” Yefun Yesus sun, ete An syogat nofuf gato kas nggi ne not, An syogat em nap gato sye ne kro. Yefun Yesus do ndantom nofuf si em nap ne sa, nofuf yo kas o nde, em nap ne dom kro re, em ne kro or re.

Lukas 8:24 ပူးပေါင်းရင်းမြစ်များ

Matius 14:30

Wo Petrus me nofuf kas nggi sa, an nyu, ete an ngga mo em mit, bergan an rap mone, sane an saiye do, ”Yenggras o, Nan nai ji se!”

Matius 8:25

Sane Yefun Yesus bi pakon sun An, ete pakon ne ki do, ”Yenggras, bergan kwem kru su men it anare. Nan ós men tom!”

Markus 4:39

Yefun Yesus sun, An syogat nofuf gato kas nggi ne kro, ete An ndantom em nap do, ”Nan not se! Em nap, nan kro et!” Yefun Yesus ki sukdu ne, orete nofuf yo kas o nde. Em nap ne dom kro re, ndo satu it anane.

Lukas 4:35

Sane, Yefun Yesus ndantom semda ne do, ”Nan not se! Nan titi wé kadit ye ne tom!” Yefun Yesus ndantom semda ne sa, semda am ye ne ges gwa mo bur mo yé mwa gwem, orete semda titi wé kadit ye ne. Semda ne titi wé sa, semda yo gu ye ne kaim yó nde re.

Lukas 4:39

Sane Yefun Yesus mu me nggongras mo pe gato mom sem mone. Yefun Yesus tibot nggongras ne, ete Yefun Yesus syogat suki ne sombok wé kadit nggongras. Yefun Yesus ki bi sukdu-i sa, nggongras kaim dek satu re. Nggongras ne ge re, sane mom sun, mom gwat sugit si syur wa nje mone git.

Lukas 5:5

Simon ki nai An do, ”Yenggras, noru gado sor kom mo nombrak, men bare mwi ware, men yo ku boge yo mo nde. Sarewo yenggras, Nan syogat ji bare mwi o yo, ji bare mwi satu sor.”

Lukas 8:25

Orge Yefun Yesus ki nai An bi pakon do, ”Nin yo onyar kem ri mo Ji nde tó wa suma ne?” Pakon bok ne sino yeket suk gato Yefun Yesus ben ne. Pakon ne kwabom kro, ete án ki nai yu do, ”Mban! Je u ana ré ne? An syogat nofuf si em nap, ete nofuf si em nap ne jammo An re.”