Lukas 8:21 - Abun Scripture

²¹ Sarewo Yefun Yesus ki nai yé mwa mone do, ”Ye to jammo Yefun Allah bi sukdu ete benbot sukdu ne yo, ye ne anato tepsu Ji bi im e, Ji bi nji si Ji bi nyanggon e ne.”

Lukas 8:21 ပူးပေါင်းရင်းမြစ်များ

Matius 17:5

Petrus ki suk saresa, duk gato rer-rik is ma kewa án sino, ete án jam Yefun Allah ki sukdu kadit duk mit ne do, ”Ji bi Gan gato Ji jimnotku anare. Suk gato An ben ne Ji mit iwa. Nin jammo An ne sor.”

Matius 25:40

Bere Ji, gato Yekwesu mone ki do, ’Suk gato Ji ki ré suksangge anare, suk gato nin ben wa Ji bi rus-i, kapre yé ne pa wokgan, tepsu nin ben suk ne wa Ji dakai.’

Matius 25:45

Bere Ji ki do, ’Suk gato Ji ki ré suksangge anare, suk gato nin yo ben wa Ji bi rus-i nde, kapre yé ne pa wokgan, tepsu nin yo ben wa Ji dakai nde.’

Matius 28:10

Yefun Yesus ki do, ”Nin nyu nde. Nin mu ki nai Ji bi pakon ne do, pakon ne mu sakanwa Ji mo bur Galilea. Bere án ku Ji motu.” Sane nggon we ne mu.

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Lukas 8:20

Sane yetu ge dik yo ki nai Yefun Yesus do, ”Nan bi im si Nan bi nji ti mo nden, án iwa ku Nan.”

Yohanes 13:17

Nin jam suk mwa ne sino gato Ji duno nin su ne it. Nin do benbot yo, bere nin mit at wa.

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

2 Korintus 5:16

Sane men nut subot yetu su yetu bi sukjimnut-i ne o nde. Tomgato nyim neya men da nutbot Kristus tepsu yetu nutbot An do, An yetu sor re, wo su ré men nutbot An su yetu dakai bi sukjimnut-i ne o nde.

2 Korintus 6:18

Bere Ji tepsu nin bi Ai, ete Nin tepsu Ji bi pa, Ji bi pa yebris si pa donggon sino. Ji anato Yefun Allah, nin bi Yekwesu, gato nggi wai o re, Ji ki bi sukdu-i kem mone it.”

Yakobus 1:22

Men syaretwa Yefun Allah bi sukdu sor nde, wo men benbot dom. Men jam Yefun Allah bi sukdu, ete men yo benbot nde, orete men nut do bere Yefun Allah nai men kadit bot gesyos it yo, men kidar men dakai it anane.

1 Yohanes 2:29

Nin dakai jam do, Kristus ben An bi suk-i tepsu Yefun Allah mit. Sane nin jam o do, ye gato ben suk tepsu Yefun Allah mit ne anato tepsu Yefun Allah bi pá-i anane.

3 Yohanes 1:11

Ji bi yesyim gato ji jimnotku, men konem sukibit gato yetu ben ne nde, wo men me sukndo gato ye ben ne, ete men waii benbot sor. Ye gato ben sukndo yo, Yefun Allah bi pá-i anane, wo ye gato ben sukibit yo, ye ne jam nde Yefun Allah re.