Lukas 8:15 - Abun Scripture

¹⁵ Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Lukas 8:15 ပူးပေါင်းရင်းမြစ်များ

Matius 24:13

Wo ye gato onyar kem pe mo Ji sor kom mo pe gato or mó yo, bere an kem ndo to kapyo mato kapyo.

Lukas 11:28

Sarewo Yefun Yesus ki do, ”Sane nde re. Sare, ye gato jam Yefun Allah bi sukdu, ete benbot, bere ye ne mit at wa wai kadit Ji bi im ne o re.”

Lukas 6:45

Men yetu tepsu kwe mwa ne dom. Ye gato mit si onyar kwo ndo, ye ne tepsu kwe gato kom ndo. Sane kadit sukndo mwa gato an sum mo an mit ne, suk gato an ki ne ndo dom. Wo ye gato mit si onyar ibit, ye ne tepsu kwe gato kom ibit. Kadit sukibit mwa gato an sum mo an mit ne, suk gato an ki ne ibit dom re. Suk gato men ki ne bere syesyar kadit men mit si men onyar fe!”

Lukas 8:14

Mbet gro gato ges mo jak miten anato tepsu yé gato but sukdu ne, sarewo án bi sukjimnut sye mo suk mwa mo bur ré, án jimnotbot suk mwa gato men yetu yémo sato sugit e san e sugum e ne. Án iwa ku suk mwa, án meret suk gato ben án mit iwa sor re. Sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, i-bo yo mo nde.

Lukas 8:16

”Men ndum kak it yo, men grem suk yo wa nde, men grem mo bokor desnak nde, men grem mo kwatka desnak dom nde. Wo men grem sukru ne mo pe gato kok, subere ye gato sok mo nu mit yo, sukru rer ku án mone.

Yohanes 14:15

”Nin bi sukjimnut sye kas subot Ji it yo, bere nin benbot suk gato Ji syogat nin ben ne sor.

Yohanes 15:10

Nin benbot Ji bi sukduno-i yo, bere Ji bi sukjimnut sye kas subot nin mone petok sor. Sane dom, Ji benbot Ji bi Ai bi sukduno-i, sane An bi sukjimnut sye kas subot Ji mone petok sor.

Roma 2:7

Ye gato werwa ben bi suk-i ne ndo, we ye ne kwabom kam mo Yefun Allah do, bere Yefun bes án gum kok mone yo, bere Yefun un án gum mone, bere Yefun kak os wa án kem gesyos mone, bere Yefun Allah kak os wa yé ne kem ndo to kapyo mato kapyo.

Roma 6:22

Sarewo su ré, Yefun Allah sombok nin wé kadit sukjimnut ibit gato jom nin ne it. Nin tepsu Yefun Allah bi pakwerut it. Mone nin ku suk gato ndo anato Yefun Allah nai nin wa nin ben Yefun Allah dakai bi suk-i sor, ete kom mo rut sa, bere nin kem ndo to kapyo mato kapyo.

Roma 7:18

Ji jam do, sukjimnut gato tik ji mit wa ji ben suk tepsu yetu mwa ne sino iwa ben ne, bi kwa dik yo gato ndo yo mo nde, suk mwa ne ibit sino. Ji da iwa ben suk gato ndo, sarewo ji yo nggiwa ben nde.

Roma 7:4

Sane, ji bi nji, ji bi nyanggon, tepsu yekra bi sukduno-i yo jom nggon gato bi ya kwop kadit ne o nde, ye Yahudi bi sukduno-i ben sato kwop kadit nin re, sukduno ne yo jom nin o nde, we nin si Yesus Kristus tepsu dik, ete nin si An sino kwop kadit sukduno ne re. Sane ye Yahudi bi sukduno-i yo jom nin o nde, wo nin jammo Kristus bi sukduno-i, we nin tepsu Kristus bi yetuge-i it. Nin jammo Kristus gato Yefun Allah sun kadit sukkwop ne bi sukduno-i subere sukndo gato Yefun Allah iwa men ben ne bor re.

Roma 8:25

Sarewo Yefun yo nai men wé kadit sukye ne nde tó yo, men kwabom kam mo An do, bere An nai men wé mone tó, men eswa sor, bere An nai men wé kadit re.

1 Korintus 7:19

Kapre ye bisunat men o, ye yo bisunat men nde yo, suk yo nde. Ye bisunat men it yo, yo ós men nde, wo suk gato ós men anato men benbot suk gato Yefun Allah syogat men ben ne sor.

Efesus 2:8

Yefun Allah dakai bi sukjimnut sye kas subot men sye teker anato An nai men wa men si An kem ndo to kapyo mato kapyo. Men onyar kem mo Kristus anato An nai men sor. Men dakai yo ben suk yo subere men kem gesyos ne nde, wo Yefun Allah dakai kak os wa men yi sor.

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Kolose 1:10

Men ki suk su Yefun wa nin sane subere nin kem mo bur ré, nin ben nin bi suk-i tepsu Yefun Allah mit, nin ben suk gato An iwa nin ben ne petok sor. Nin ben sane yo, bere suk gato bor kadit suk mwa gato nin ben ne ndo sino, bere nin jam Yefun Allah sisu ndo wai o kadit nyim neya o re.

Kolose 1:6

Sukdu subot os ndo gato Yesus Kristus kak ne, ye ki frekbot yé mwa jam mo bur ré iwedewe re, anato ye mwa ne napyo simo os ndo ete ku sukndo mo sukdu ne re. Sane dom, nin waii jammo sukdu ne. Kadit kam ketke gato sukdu ne frekbotnin sa, nin simo os ndo ete nin ku sukndo mone re. Nin jam rer do, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Sukdu ne nin jam kom mo mit re.

Ibrani 10:36

Nin jom Yefun Allah bi sukdu-i ne pe sor, subere nin nggiwa ben suk tepsu Yefun Allah mit. Nin werwa nin ben suk tepsu Yefun Allah mit petok sor subere nin ku suk mwa gato An tom su nin ne.

Ibrani 2:1

Yesus Kristus gwat Yefun Allah bi suktaru gato be ne ma wa men re, sane men werwa men jom sukduno subot Kristus gato ye duno men su ne krat o et, subere men mu brek kadit sukdu gato men onyar kem mone nde.

Yakobus 1:4

Men mewa men nggwa mo sukye mwa gato men ku ne, subere men nggiwa men jom Yefun bi sukdu ne krat mo sukye mwa ne sino sor, kwa gato gwet yo mo nde, bere men yo ye mo suk yo o nde.

1 Yohanes 2:3

Men benbot Yefun Allah bi sukduno-i ne yo, bere men jam mone do, men jam Yefun Allah sisu ndo mone, men si Yefun Allah tepsu dik.