Lukas 7:44 - Abun Scripture

⁴⁴ Orete Yefun Yesus brek ma, Yefun Yesus sokme nggon ne, ete Yefun Yesus ki nai Simon do, ”Nan me nggon ré et! Ji ma sok mo nan bi nu gado, nan yo fro syur wa Ji mus Ji gwes tak su nde {sagana ye Yahudi ben ne}. Sarewo nggon ré mus Ji gwes tak su mom gro rom, ete nggon ré singgri Ji gwes tak sa su mom sugo.

Lukas 7:44 ပူးပေါင်းရင်းမြစ်များ

Lukas 7:38

Nggon ne ti mo Yefun Yesus de dari, karowa An gwes tak, orete nggon ne wo, mom gro rom sye mo Yefun Yesus gwes tak. Orge nggon ne singgri Yefun Yesus gwes tak sa su mom sugo, mom ni Yefun Yesus gwes tak, ete mom syé manik gato grik ne mo Yefun Yesus gwes tak.

Lukas 7:43

Simon ki do, ”Ji nut do ye we sye gato bi bon sye gato ye ne misyar ne.” Yefun Yesus ki do, ”Nan bi sukjimnut ne sangge.”

Yohanes 13:5

Orete Yefun Yesus nai syur, ete An syé syur mo bokor mit. Yefun Yesus mus An bi pakon gwes tak su syur ne, orete An singgri sa su san det gato An far mo An jakuke ne.

1 Timotius 5:10

Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.

Yakobus 2:6

Sarewo nin ben sukibit su ye gato yewa suk wa suma ne? Yé gato yewa suk ne ben sukibit nai nin yo mo nde, wo yé gato bi suk mwa ne anato ben sukye nai nin, ete yé ne werwa nai nin bi suk kadit nin ne fe! Yé gato bi suk mwa ne anato but nin ete gwat nin mu mo yesukmise subere yepasye ben sukye nai nin dom.