Lukas 7:41 - Abun Scripture

⁴¹ Yefun Yesus ki do, ”Yetu ge we yo, an we nai sugum kadit yetu ge dik yo. Ye we sye bi bon kom mo juta mwa re. Ye we wok bi bon kom mo ribu bok yo sor re.

Lukas 7:41 ပူးပေါင်းရင်းမြစ်များ

Matius 18:28

Pa ne syesyar kadit yenggras bi nu saresa, pa ne ku pakwerut dik yo o. Pa we wok ré bi bon wokgan kom mo ribu bok yo, sarewo pa we sye but pa we wok ete sorom pa ne syidem sane sor bergan pa we wok yo tik mas ndo o nde, ete pa we sye ki do, ’Nan bi ji bi bon mo ji kekro et.’

Matius 6:12

Nan maskwa men mo sukibit gato men ben mu nai Nan o nde, Nan nutbot o nde, tepsu men yo maskwa ye yi mo sukibit gato ye ne ben ma nai men ne nde, ete men nutbot o nde.

Markus 6:37

Sarewo Yefun Yesus ki do, ”Nin dakai anato syo sugit nai yé mwa ré git et!” Yefun Yesus bi pakon ki do, ”Mban! Men so roti mwa tep wa yé mwa ré git, bere men mitmo sugum tepsu yé bi sugum nai yetu ge dik yo bi kamba mo suk gato an ben ne kom mo aina munggwo re. Te men anato mu so roti su sugum mwa sane wa yé mwa ré git e?”

Lukas 11:4

Nan maskwa men mo sukibit gato men ben mu nai Nan o nde, Nan nutbot o nde, tepsu men yo maskwa ye yi mo sukibit gato ye ne ben ma nai men ne nde, ete men nutbot o nde. Nan mewa men subere suk yo tik men mit ete ben men ges mo os ibit mone nde.’ ”

Lukas 12:48

Wo pakwerut gato jam nde suk gato an bi yenggras mitwa an ben ne, ete pa ne yo ben suk tepsu nde, bere yé kwam pa tep yi. Pa gato jam suk mwa, bere pa bi yenggras syogat pa ne ben suk mwa. Sane dom, pa gato jam suk mwa teker, bere pa bi yenggras syogat pa ben suk mwa teker.”

Lukas 13:4

Sane dom, men nut subot yetu ge musyu dik sop munggwo gato nu syu é ma gwa kwop mo Siloam ne. Nin nut do yé ne ben sukibit mwa wai kadit ye yi neya gato kem mo Yerusalem ne bado?

Lukas 7:40

Orete Yefun Yesus ki nai ye Farisi ne do, ”Simon, Ji iwa Ji ki sukdu yo nai nan et.” Simon ki do, ”Sane, yeguru, Nan ki sor.”

Lukas 7:47

Sane Ji ki sare do, nggon ré bi sukjimnut sye kas subot Ji wai o re, we mom jam do, sukibit mwa gato nggon ré ben ne or wé kadit mom it, Ji yo nutbot o nde. Sarewo ye gato ben sukibit wokgan, ete an jam do, Ji yo nutbot o nde yo, bere ye ne bi sukjimnut sye yo kas subot Ji teker eta nde.”

Roma 3:23

Men yetu mo wis mwa ne sino ben sukibit re, men sino yo nggiwa men dakai kom mo pe gato Yefun Allah bi suktinggi bor wa ós men kem ndo ne mo nde.

Roma 5:20

Ye Yahudi bi sukduno-i anato Yefun Allah grem su ye Yahudi ne. Sukduno ne kak men yetu bi sukjimnut mo suk gato ibit, sane anato ri ma men ben suk mwa gato siri kadit sukduno ne o re. Yetu da ben siri mwa wai o kadit sukduno ne, sarewo Yefun Allah bi sukjimnut sye kas subot men dakai yi nggi wai kadit ne o re.