Lukas 7:39 - Abun Scripture

³⁹ Ye Farisi gato kendo Yefun Yesus ma git mo an bi nu ne, an me suk gato nggon ne ben sa, an nut mo an mit do, ”Ye ré tepsu yenabi sangge yo, ye ré, ye gato jam suk rer yo, bere An jam do, nggon gato rot An, nggon ne anato nggon gato ben suksiri mwa.”

Lukas 7:39 ပူးပေါင်းရင်းမြစ်များ

Matius 20:16

Sane Yefun Yesus ki do, ”Ye gato Yefun Allah kendo ma wa ben An bi suk-i, bere ye gato ben Yefun bi suk-i nam nde, bere an ku suk nyim, ete ye gato ben Yefun bi suk-i ne nam, bere an ku suk wari.”

Matius 21:11

Yé mwa gato mu wairi wa Yefun Yesus ki do, ”Yefun Yesus anare. An yenabi gato ma kadit kota Nazaret mo bur Galilea.”

Markus 7:21

we suk mwa gato ma kadit men mit ne, ma kadit men yetu bi sukjimnut ibit ne. Sukjimnut ibit anato ben men ben sukibit sato ré: men iwa men ben siri su nggon daret e, men syimsi suk e, men gu ye yi kwop e,

Lukas 12:17

Sane, yekaya ne nut mo an syidem do, ’Ji bi nu wa ji grem suk mwa ré yo tep nde, sane ji ben suma ne?’

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 16:3

Sane pakwerut ne nut mo an syidem do, ’Ji ben suma su ré ne? Ji bi yenggras syun ji kadit an bi nu it anare. Sane bere ji ku sugum wa ji so sugit su ne sa u ne? Ji yo nggiwa ji ben nggwe nde. Ji damen wa ji ndek suk mo nje dom.

Lukas 18:4

Kam bok yo, ete yepasye ne bariwa ós nggonna ne. Sarewo kom mo rut sa, yepasye ne nut mo an dakai do, ’Ji yo nyuwa Yefun Allah nde, ji yo nutbot ye yi dom nde,

Lukas 3:8

nin ben suk gato ndo sor, subere yé jam do, sangge, nin kwet kadit sukibit gato nin ben ne, ete nin jammo Yefun it. Nin nut do, nin bi amui mo Abraham, {anato Yefun Allah iwa nin, sane bere Yefun Allah nai nin kadit sukye, bado? Sane nde. Nin nut sane bere siri re.} Ji ki sare do, Yefun Allah nggiwa ben jok bok ré tepsu Abraham bi dat-i. Sane nin dom tepsu Abraham bi dat-i, bere yo ós nin nde.

Lukas 7:16

Yé mwa me suk gato Yefun Yesus ben ne, án sino yeket, án nyuwa, ete án un Yefun Allah. Yé mwa ne ki do, ”Yenabi gato gum kok sye dik yo anato ma kem su men it anare. Yefun Allah syogat yenabi dik yo ma wa ós An bi rus it anare.”

Lukas 7:37

Nggon ge dik yo mo kota ne, nggon ne ben siri su yebris mwa. Nggon ne jam do, Yefun Yesus git sugit mo ye Farisi ne bi nu sa, nggon ne ma, mom gwat manik gato grik su sukbo pualam ma.

Lukas 7:38

Nggon ne ti mo Yefun Yesus de dari, karowa An gwes tak, orete nggon ne wo, mom gro rom sye mo Yefun Yesus gwes tak. Orge nggon ne singgri Yefun Yesus gwes tak sa su mom sugo, mom ni Yefun Yesus gwes tak, ete mom syé manik gato grik ne mo Yefun Yesus gwes tak.

Lukas 7:40

Orete Yefun Yesus ki nai ye Farisi ne do, ”Simon, Ji iwa Ji ki sukdu yo nai nan et.” Simon ki do, ”Sane, yeguru, Nan ki sor.”

Yohanes 4:19

Nggon ne ki do, ”Su ré ji jam Nan it. Nan yenabi, Nan anato Yepasye gato ki Yefun bi suktaru nai men.

Yohanes 7:12

Yé mwa gato sum wa simo kam sye ne, án tom apre nai yu subot Yefun Yesus. Deyo ki do, ”An Ye gato ben sukndo.” Deyo o ki do, ”Nde re! An gwat os ibit ben kidar yé mwa.”

Yohanes 9:24

Orete ye Farisi kendo pa gato gro ndu gado ne ma, wam do we o, ete yé ne ki nai pa do, ”Nan tom su men, ete nan syo nan syim su do, ’Yefun Allah anato kem mo gu nim ne,’ ete nan ki nan bi sukdu-i ne sangge sor. Men jam do Ye gane ben bi suk-i ibit sor.”