Lukas 7:37 - Abun Scripture

³⁷ Nggon ge dik yo mo kota ne, nggon ne ben siri su yebris mwa. Nggon ne jam do, Yefun Yesus git sugit mo ye Farisi ne bi nu sa, nggon ne ma, mom gwat manik gato grik su sukbo pualam ma.

Lukas 7:37 ပူးပေါင်းရင်းမြစ်များ

Matius 21:31

Sane Yefun Yesus ndo mo yekwesú mo Yefun Allah bi nu si ye Yahudi bi yepasye mone do, ”Kadit pa we ré, je u anato benbot suk gato pa we bi ai ki ne?” Án ki do, ”Pa futmo.” Sane Yefun Yesus ki nai án do, ”Suk gato Ji ki ré suksangge anare, yé gato ben sukibit sato yé gato nai sugum kadit nje wa pemerintah si nggon gato ben siri mwa ne bere án sok mo Yefun Allah bi rus-i nyim kadit nin re. {Án tepsu pa futmo, wo nin tepsu pa wari.}

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Lukas 19:7

Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 5:32

Ji yo ma mo bur ré wa Ji kendo ye gato nut do, an sa, ye gato ben sukndo ne nde. Ji yo ma wa ye ga sane nde, wo Ji ma mo bur ré wa Ji kendo ye gato ben sukibit, yé ne tepsu yé gato i, subere yé ne brek kadit os ibit, ete jammo Ji et.”

Lukas 7:34

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato gum ibit sato yé gato nai sugum kadit nje wa pemerintah e neya.’

Lukas 7:36

Ye Farisi dik yo gato gum do Simon kendo Yefun Yesus ma git sugit mo an bi nu. Sane Yefun Yesus mu mo Simon bi nu, ete An kem, An git sugit mone.

Yohanes 11:2

Maria ne anato es manik gato grik mo Yefun Yesus gwes, ete mom singgri sa su mom sugo. Kam dik yo Lazarus i.

Yohanes 9:24

Orete ye Farisi kendo pa gato gro ndu gado ne ma, wam do we o, ete yé ne ki nai pa do, ”Nan tom su men, ete nan syo nan syim su do, ’Yefun Allah anato kem mo gu nim ne,’ ete nan ki nan bi sukdu-i ne sangge sor. Men jam do Ye gane ben bi suk-i ibit sor.”

Yohanes 9:31

Men jam do, ye gato ben sukibit mwa ndek suk yo mo Yefun Allah it yo, bere Yefun Allah yo jammo an nde, wo Yefun Allah jammo ye gato ben Yefun bi suk-i tepsu Yefun mit sor re.

Roma 5:8

Sarewo men ben men bi suk-i siri kadit Yefun Allah mit tó, sugane Yesus Kristus ma bi nggwa kwop win men. Sane anato men jam mone do, Yefun Allah bi sukjimnut sye kas subot men ndo nde.

1 Timotius 1:15

Sukdu gato ji ki ré suksangge, men nai ma, men grem kem pe mo men mit sor, sare do, ”Yesus Kristus ma mo bur ré wa ós men yetu gato ben sukibit, subere men ges mo bot gesyos nde, wo men kem ndo to kapyo mato kapyo.” Mo yé mwa gato ben sukibit mo bur ré, ji anato ben sukibit mwa wai kadit yé mwa ne sino o re.

1 Timotius 1:9

Men jam do, Yefun Allah bi sukduno, ye krom wa ye gato ben sukndo tepsu Yefun Allah mit nde, wo ye krom wa ye gato ben bi suk-i ibit sato ré, ye gato ben sukibit wai mo sukduno ne e; ye gato ben siri kadit sukduno ne e; ye gato jam nde Yefun Allah e; ye gato ben bi suk-i ibit bu e; ye gato misyar Yefun e; ye gato bi sukjimnut sye mo bur ré bi suk-i e; ye gato gu an bi im si bi ai kwop e; ye gato gu nje daret kwop e;

1 Petrus 4:18

Mo Yefun Allah bi sukdu, ye krom sare do, ”Ye gato ben sukndo tepsu Yefun Allah mit ne titi fro wé kadit sukye kom mo pe gato ndo ne yo ndaf nde, wo os ne yé re; sane ye gato bariket Yefun, ete ben sukibit mwa ne te, bere sa u ne? Bere án ku sukye wai kadit ne o re.”