Lukas 7:34 - Abun Scripture

³⁴ Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato gum ibit sato yé gato nai sugum kadit nje wa pemerintah e neya.’

Lukas 7:34 ပူးပေါင်းရင်းမြစ်များ

Matius 11:19

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato ben sukibit sato yé gato nai sugum kadit nje wa pemerintah e neya.’ Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino fro os gato ndo ne, ete bere yé me os ne bor re, ete yé ki do, sangge, os ne sa, os ndo.”

Matius 5:46

Sane nin ben sukndo su ye gato ben sukndo su nin sor re, bere Yefun syo sukndo nai nin wa suma ne? Ye gato nai sugum kadit nje wa pemerintah da ben sukndo su ye gato ben sukndo su an, sarewo an ben sukibit su yé mwa.

Matius 9:11

Ye Farisi me Yefun Yesus si yé ga sare git sugit sino sa, án ndo mo Yefun Yesus bi pakon ne do, ”Suma ben anato nin bi yeguru iwa si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 11:37

Yefun Yesus ki suk ne or sa, ye Farisi dik yo kendo Yefun Yesus ma git sugit mo an bi nu. Sane Yefun Yesus mu, Yefun Yesus git sugit mo ye Farisi bi nu ne.

Lukas 14:1

Ye Yahudi bi kam sye, kam Sabat dik yo ete Yefun Yesus mu git sugit mo ye Farisi bi yepasye dik yo bi nu-i. Yefun Yesus kem mo nu ne sa, ye Farisi si yeguru agama mone sokwa An pe sor, sawe Yefun Yesus ben suk yo siri ket ye Yahudi bi sukduno-i.

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 19:7

Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 5:29

Orge Lewi kon pesta wa Yefun Yesus mo Lewi bi nu. Lewi kendo yé mwa gato nai sugum kadit nje wa pemerintah si ye yi yo o ma sisu Yefun Yesus si bi pakon git sugit sino mone.

Lukas 7:33

Ye gato ma ete ben sato ba syek nin ne anato Yohanes gato ras nje mo syur si Yetu bi Pa ne sino. Yohanes ma sa, an git sugit nde, an da nau nde, ete yé ki an do, ’Semda ben an re.’

Lukas 7:35

Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino, fro os gato ndo ne, ete bere yé me os ne bor re, ete yé ki do, sangge, os ne sa, os ndo.”

Lukas 7:36

Ye Farisi dik yo gato gum do Simon kendo Yefun Yesus ma git sugit mo an bi nu. Sane Yefun Yesus mu mo Simon bi nu, ete An kem, An git sugit mone.

Yohanes 12:2

Yé fro sugit ndek Yefun Yesus git mone. Mo nu ne, Lazarus bi nyanggon Marta kon sugit, ete gwat ma. Lazarus si ye gato ma ne kem mone. An si Yefun Yesus git sugit sino.

Yohanes 2:2

Ye kendo Yefun Yesus si bi pakon mu sino dom.