Lukas 7:29 - Abun Scripture

²⁹ Yé mwa ne sino gato syaretwa sukdu gato Yefun Yesus ki subot Yohanes ne, ye gato nai sugum kadit nje wa pemerintah dom, yé mwa ne sino nut do, ”Sukdu ne sangge. Yefun Allah bi os wa men ndo wai, anato men brek ma kadit os ibit gato men simo ne it, ete men ma mo Yohanes wa an ras men mo syur mó re.”

Lukas 7:29 ပူးပေါင်းရင်းမြစ်များ

Matius 5:46

Sane nin ben sukndo su ye gato ben sukndo su nin sor re, bere Yefun syo sukndo nai nin wa suma ne? Ye gato nai sugum kadit nje wa pemerintah da ben sukndo su ye gato ben sukndo su an, sarewo an ben sukibit su yé mwa.

Lukas 20:6

Wo men do ki do, ’Yetu anato bes Yohanes’ it yo, bere yé mwa more maskwa men ete am men su jok, we yé mwa ne onyar kem mo Yohanes tepsu yenabi gato Yefun Allah bes ne.”

Lukas 3:12

Ye gato nai sugum kadit nje wa pemerintah ge bok yo ma mo Yohanes, subere Yohanes ras án mo syur. Orge án ndo mo Yohanes do, ”Yeguru, men ben suk sato suma ne?”

Lukas 7:28

Yefun Yesus ki do, ”Ji ki sare do, Yohanes gato ras nje mo syur ne ku gum kok sye wai kadit yetu mwa gato nggon pe mo bur ré sino. Sarewo kadit kam ré o, ye gato tepsu pa wokgan mo Yefun Allah bi rus-i, bere ku gum sye wai kadit Yohanes o re.”

Lukas 7:35

Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino, fro os gato ndo ne, ete bere yé me os ne bor re, ete yé ki do, sangge, os ne sa, os ndo.”

Suk Gato Yerasul Ben Ne 18:25

Apolos jam ye ki sukdu subot Yefun Yesus mó re. Sane an mu kom mo kota Efesus sa, an ki sukdu subot Yefun Yesus, an ki sukdu ne su an mit iwa wai o re. An duno nje subot Yefun Yesus ne sisu sangge, sarewo sukdu subot ye ras nje mo syur, an jam sukdu gato Yohanes duno nje su ne sor re.

Suk Gato Yerasul Ben Ne 19:3

Sane Paulus ndo mo yé bok ne o do, ”Sugato ye ras nin mo syur ne te, ye duno nin sa u ne?” Yé bok ne ki do, ”Ye duno men su sukduno gato Yohanes gato ras nje mo syur duno nje su ne.”

Roma 10:3

Án jam nde os ndo gato Yesus Kristus kak wa án sok mo Yefun bi rus-i, wo {ye Israel gato ye kendo gum yo o do, ye Yahudi}, án dakai fro án dakai bi os-i Án nut do án benbot ye Yahudi bi sukduno-i sa, bere Yefun nai án gum sok mo bi rus-i sor re. Án dakai fro án dakai bi os-i sane anato án yo jammo os gato Yefun Allah fro ne nde.

Wahyu 15:3

Án kamo kecapi ete án ba sukbadek dik yo. Yé mwa ne sino badekbot Musa gato Yefun Allah bi pakwerut ne, si Domba Gan bi sukbadek-i sare do, ”Yefun ga nggi wai ne e, Yefun ga sye wai ne e, Nan gum kok wai ’dit men ne o, Nan yesu ga nggi wai ne o. Yefun ga nggi wai ne e, Yefun ga sye wai ne e, Nan ben suk ga ndo yé, Nan man suk ga ndo wai. Yefun ga yesu wa men yetu ne e, Yefun ga yesu mo bur ré e, Nan ben Nan bi suk-i ri-roi ne o, Nan ben Nan bi suk-i sangge ne o.

Wahyu 16:5

Orete ji jam malaikat gato mewa syur mwa ne sino ki nai Yefun Allah do, ”Kadit ketke Nan sor anato Yefun gato gum kok tara wai kadit men yetu. Nan anato gum kok sane sor to kapyo mato kapyo. Nan ben Nan bi suk-i ri-roi anato Nan syo sukye bok yo mu mo bur ré re.