Lukas 7:2 - Abun Scripture

² Ye Roma bi yesukmise bi yesu ge dik yo, an kem mo Kapernaum. Yesukmise ne bi pakwerut dik yo gato an jimnotku sye teker. An bi pakwerut ne i de, bergan kwop rok.

Lukas 7:2 ပူးပေါင်းရင်းမြစ်များ

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Lukas 23:47

Ye Roma bi yesukmise bi yesu dik yo me suk mwa gato bor mone sa, an un Yefun Allah, an ki do, ”Sangge, Ye ré ben suk gato ibit yo mo nde, An ye gato ben suk tepsu Yefun Allah mit sor.”

Lukas 7:1

Yefun Yesus ki An bi sukdu bok ne nai yé mwa ne or, An mu kadit pe ne, ete An mu mo kota Kapernaum.

Lukas 7:3

Yesukmise bi yesu ne jam Yefun Yesus ma mo Kapernaum sa, yesukmise ne syogat ye Yahudi bi yepasye ge bok yo gwat an bi suktaru mu wa kar Yefun Yesus ma, subere Yefun Yesus ma wa ben an bi pakwerut ne ge kadit bi suki ne.

Lukas 8:42

Yairus ndekwa Yefun Yesus ma mo an bi nu, we Yairus bi mam i, bergan mom kwop rok. Yairus bi mam ne ge dik sor, mom sye kom mo tahun musyu dik sop we. Sane Yefun Yesus mubot os mu mo Jairus bi nu saresa, yé mwa ne kamas buk mo yu kadit os deyo-deyo, yé mwa ne buk mo yu gat Yefun Yesus mone.

Suk Gato Yerasul Ben Ne 10:1

Yetu ge dik yo gato gum do Kornelius kem mo kota Kaisarea. Kornelius an ye Roma bi yesukmise bi yesu. An jowa bi yemsok yetu ka wotin dik. An si bi yemsok ne ma kadit bur Italia.

Suk Gato Yerasul Ben Ne 10:7

Malaikat ne ki sukdu ne, orge Kornelius kendo yetu ge we gato ós an mo an bi nu si yesukmise ge dik yo gato an onyar kem mó. Yesukmise ne un Yefun Allah su an mit dik dom.

Suk Gato Yerasul Ben Ne 22:26

Yesukmise bi yesu ne jam suk gato Paulus ki ne sa, an mu ki nai yesukmise bi padosye ne, an ki do, ”Yenggras, ye gare an gum sok mo ye Roma bi nje-i, sane nan syogat men kwam an su bus wa suma ne?”

Suk Gato Yerasul Ben Ne 23:17

Orge Paulus kendo ye Roma bi yesukmise bi yesu ge dik yo ma, ete an ki nai yesukmise ne do, ”Pa ré bi sukdu wa ye Roma bi yesukmise bi padosye jam, sane nan top pa mu mo padosye ne et.”

Suk Gato Yerasul Ben Ne 27:1

Yé nai sukjimnut do, Paulus mu mo bur Italia, sane men meret kapal yo wa men simo. Men ku kapal wa men simo sa, ye syo Paulus si yetu ge bok yo mo penjara ne mo ye Roma bi yesukmise bi yesu ge dik yo syim. Yesukmise ne gum do Yulius, an sok mo yeko gato ye kendo do, ”Kaisar dakai bi Pasukan.”

Suk Gato Yerasul Ben Ne 27:3

Bi ik, ete men mu kom mo kota Sidon. Men is mone. Yulius ben sukndo su Paulus, an misyar Paulus mu ku Paulus bi yesyim mone, subere yesyim ne ós Paulus mo suk gato Paulus ye mó.

Suk Gato Yerasul Ben Ne 27:43

Sarewo ye Roma bi yesukmise bi yesu iwa nai Paulus kadit bi yesukmise gu kwop nde, sane yesu ne duyawa yesukmise bok ne subere án yo gu ye gato án gwat kadit penjara ne kwop wé nde. Yesukmise bi yesu ne syogat yé gato jam de sem, subere án yak mo sem, ete de mu nden.

Kolose 3:22

Pakwerut, nin jammo nin bi yenggras petok sor. Nin jammo yenggras ne, kapre an si nin mone e, an yo si nin mone nde e, nin ben sukndo wa nin bi yenggras su nin bi sukjimnut dik ri-roi petok sor. Nin bes nin bi Yekwesu, Kristus ne, gum kok, ete nin ben suk wa nin bi yenggras sisu nin mit dik si nin onyar dik mone sor.