Lukas 7:16 - Abun Scripture

¹⁶ Yé mwa me suk gato Yefun Yesus ben ne, án sino yeket, án nyuwa, ete án un Yefun Allah. Yé mwa ne ki do, ”Yenabi gato gum kok sye dik yo anato ma kem su men it anare. Yefun Allah syogat yenabi dik yo ma wa ós An bi rus it anare.”

Lukas 7:16 ပူးပေါင်းရင်းမြစ်များ

Matius 15:31

Yé me ye gato syokwet mbut, du sisu ndo satu e; ye gato syim út, syim ndo satu e; ye gato gwes út, mu ndo satu e; ye gato gro ndu, gro ndo satu o. Sane yo, yé mwa mone yeket ete un Yefun Allah, Yefun gato jom ye Israel ne.

Matius 21:11

Yé mwa gato mu wairi wa Yefun Yesus ki do, ”Yefun Yesus anare. An yenabi gato ma kadit kota Nazaret mo bur Galilea.”

Matius 28:8

Sane nggon we ne mu kekro kadit makwe ne. Nggon we ne nyu ndo nde, sarewo nggon we mit iwa suk gato nggon we me ne, ete nggon we kas mu ki napyo nai Yefun Yesus bi pakon ne jam.

Matius 9:8

Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.

Lukas 1:65

Yé mwa gato kem mo kota ne án yeket, orete sukdu subot Zakaria si bi pa ne yé ki frekbot bur Yudea tak de banbo ne sino.

Lukas 1:68

”Men un Yefun Allah, men bi Yekwesu, An anato jom men ye Israel. An ma ós men, An bi rus-i. An tot suktot mo sukibit gato men ben ne wé.

Lukas 19:44

Bere yeko gu nin kwop or sino, ete yeko ne ma ben suk mwa mo kota mit ne ibit sino. Jok mwa gato yé nggo nu su ré, bere yé ma krut jok mwa ne or re, dik yo ut mo dik yo o nde. Nin jam nde Yefun Allah syogat Ji ma wa nai nin kadit sukye ne. Nin bariwa, sane bere nin ku sukye re.”

Lukas 2:20

Yé gato mewa domba ne, án mu satu mo án bi nat-i mo Betlehem de nden. Án do mu sa, án un Yefun Allah, án bes Yefun gum kok sye mo suk mwa gato malaikat ki nai án si suk mwa gato án me su án gro dom. Suk mwa ne bor tepsu sukdu gato malaikat ki nai án re.

Lukas 24:19

Yefun Yesus ndo mo an do, ”Suma anato bor mone ne?” An we ki do, ”Yé ben sukye nai Yesus, ye Nazaret ne. Ye ne anato yenabi gato ki sukdu gato Yefun Allah tarubot An nai men. An ki An bi sukdu-i ne pet mo nje. An ben An bi suk-i nggi wai o re. An ben suk gato ben yé mwa yeket. Sane suk mwa gato An ben ne kadum do Yefun Allah sisu An. Yé mwa dom ki do, An ye gato ben sukndo.

Lukas 5:26

Sane yé mwa ne sino yeket ndo nde, ete án un Yefun Allah. Yé mwa nyu ndo nde mo suk gato án me Yefun Yesus ben ne, án ki do, ”Su kam ré sa, men me suk gato ben men yeket ndo nde go!”

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Lukas 7:15

Yefun Yesus do ki sukdu ne nai pa gato kwop re sa, pa yemsok ne sun, an ki sukdu, orete Yefun Yesus top an mo an bi im.

Lukas 7:39

Ye Farisi gato kendo Yefun Yesus ma git mo an bi nu ne, an me suk gato nggon ne ben sa, an nut mo an mit do, ”Ye ré tepsu yenabi sangge yo, ye ré, ye gato jam suk rer yo, bere An jam do, nggon gato rot An, nggon ne anato nggon gato ben suksiri mwa.”

Lukas 8:37

Orge yé mwa ne sino gato kem mo bur Gerasa ne ndek mo Yefun Yesus do, Yefun Yesus mu kadit án bi bur-i et, we yé mwa ne nyu ndo nde. Sane Yefun Yesus it mo kwem, subere An si An bi pakon mu kadit nat ne.

Lukas 9:19

Pakon ki nai Yefun Yesus do, ”Yé bok yo ki do, Nan anato Yohanes gato ras nje mo syur. {Yé ne nut do, Yohanes ne frus an nggwa tepsu Nan.} Yé bok yo o ki do, Nan anato yenabi nyim gato gum do Elia. Yetu ge bok yo o ki do, Nan anato yenabi ge dik yo o gato kwop kam nyim, ete sun satu.”

Yohanes 1:21

Yesu mo Yefun Allah bi nu si ye Lewi ndo mo Yohanes o do, ”Je u anato nan ré ne? Nan anato yenabi Elia bado?” Yohanes ki do, ”Nde re.” Ete án ndo mo Yohanes o do, ”Sane Nan tepsu yenabi gato gwat Yefun Allah bi suktaru ma ós men ye Yahudi bado?” Yohanes ki do, ”Nde re.”

Yohanes 1:25

án ndo mo Yohanes o do, ”Nan ki do, nan anato Kristus nde, nan anato Elia nde, nan anato yenabi gato ós men ye Yahudi nde. Ben sa u anato nan ras nje mo syur ne?”

Yohanes 4:19

Nggon ne ki do, ”Su ré ji jam Nan it. Nan yenabi, Nan anato Yepasye gato ki Yefun bi suktaru nai men.

Yohanes 6:14

Yé mwa mone me Yefun Allah bi suktinggi bor mo suk gato Yefun Yesus ben mone sa, án ki do, ”Sangge yenabi gato Yefun Allah tom su men do, bere An syogat ma mo bur ré, ana gare it.”

Yohanes 9:17

Sane ye Farisi ndobot ye gato gro ndo satu ne o do, ”Nan dakai bi sukjimnut subot Ye gato ben nan gro ndo satu sa u ne?” Ye ne ki do, ”Ye gato ben ji gro ndo ne, An yenabi gato frot Yefun Allah bi suktaru nai men.”

Suk Gato Yerasul Ben Ne 5:5

Ananias do jam suk gato Petrus ki ne, orge an kwop, an ges gwa mo bur. Yé mwa gato jam sukdu subot Ananias ne nyuwa ndo nde.

Suk Gato Yerasul Ben Ne 7:37

Musa gato ben suk mwa ne anato Musa gato ki nai ye Israel ne do, ’Yefun Allah bes ji tepsu yenabi gato ma ki An bi sukdu-i nai nin jam. Sane dom, kam sari ne ma, bere Yefun Allah waii bes nin ge dik yo gum yenabi wa ki Yefun Allah bi suktaru nai nin jam.’

Galatia 1:24

Yé mo bur Yudea ne jam sukdu gato ye ki subot ji sa, yé bes Yefun Allah gum kok mone re.