Lukas 7:14 - Abun Scripture

¹⁴ Orge Yefun Yesus mu karowa yé gato sam yekri ne, ete Yefun Yesus syimtok kwatka gato yé grem pa yemsok mukri mone. Yefun Yesus syimtok kwatka ne sa, yé gato sam kwatka ne ti not, ete Yefun Yesus ki do, ”Pa nji, Ji ki nai nan do, nan sun se!”

Lukas 7:14 ပူးပေါင်းရင်းမြစ်များ

Markus 5:41

Ete Yefun Yesus jom pa ne syim. An ki nai pa su a Ibrani do, ”Talita kum,” gato bi sukjimnut do, ”Pa donggon Ji ki sare do, Nan sun tom!”

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:15

Yefun Yesus do ki sukdu ne nai pa gato kwop re sa, pa yemsok ne sun, an ki sukdu, orete Yefun Yesus top an mo an bi im.

Lukas 7:17

Sukdu subot suk gato Yefun Yesus ben gare, yé ki frekbot bur Yudea si nat gato karowa mone sino.

Yohanes 11:25

Yefun Yesus ki nai Marta do, ”Ji anato sun nje kadit sukkwop. Ji anato ben yetu mbau. Ye gato onyar kem mo Ji yo, kapre an kaim kwop, bere an kem ndo mone tó.

Yohanes 5:21

Ji bi Ai Yefun Allah anato sun yekwop mbau satu, ete ben ye ne kem ndo to kapyo mato kapyo. Sane dom, An bi Gan to Ji ré ben yetu gato An mit iwa ne kem gesyos.

Yohanes 5:25

Suk gato Ji ki ré suksangge anare, Ji bi sukdu ne karowa bor it. Karowa o nde, wo bor it anare. Bere yekwop jam Yefun Allah bi Gan to Ji ré ké. Ye gato jam Ji ké ne yo, ye ne mbau satu.

Roma 4:17

tepsu ye krom mo Yefun Allah bi sukdu, Yefun Allah ki nai Abraham do, ”Ji anato bes nan tepsu ye gato duk os su ketke wa yewis mwa gato kem mo bur ré or sino.” Yefun Allah tom suk su Abraham anato ben sato Abraham tepsu men bi ai re. Abraham onyar kem mo suk gato Yefun Allah ki ne. Abraham jam do Yefun Allah anato nggiwa sun yekwop mbau satu, Yefun Allah nggiwa ut suk gato yo mo nde, Yefun Allah ki sukdu ne sor, bere suk ne bor re.

Efesus 5:12

Nin do ki sukibit gato ye ben gurik ne rek mó yo, bergan nin damen teker wa nin ki kom mone.)