Lukas 7:13 - Abun Scripture

¹³ Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 7:13 ပူးပေါင်းရင်းမြစ်များ

Markus 8:2

”Ji dakai jimnotku yé mwa more ndo nde. Án si men kem more kom mo kam gri rek it, ete su ré án bi sugit yo mo nde.

Lukas 10:1

Orete Yefun Yesus bes yetu ge musyu mufit o wa án mu ben Yefun bi suk-i. Yefun Yesus syogat pakon ne gewe-gewe mu nyim mo kota si nat mwa gato bere Yefun Yesus mu mone sino.

Lukas 11:1

Kam dik yo, Yefun Yesus ki suk su Yefun Allah mo nat dik yo. Yefun Yesus do ki suk or sa, Yefun Yesus bi pakon dik yo ki nai An do, ”Yenggras, Nan duno men subere men jam men ki suk su Yefun Allah sisu ndo et, subere men waii jam men ki suk su Yefun sato Yohanes duno an bi pakon su ne.”

Lukas 11:39

Sane Yefun Yesus ki nai ye Farisi ne do, ”Nin, ye Farisi, nin mus gelas si mbem mo de nden kwo sor re, wo mo mit ne dum ndo nde, tepsu nin ben nin nggwa ndo mo nden sor re, wo nin mit tara re, nin gro sye wa nin ku suk mwa, nin ben sukibit mwa ye re.

Lukas 12:42

Yefun Yesus ki do, ”Pakwerut gato jam suk mwa, ete ben bi suk-i ri-roi tepsu bi yenggras mit ne te, men jam pa ne sa u ne? Pa ne ben bi suk-i sa u ne? Pa ne anato tepsu pa gato yenggras bes tepsu yesu wa yenggras bi pakwerut ne sino. Pa ne mewa pakwerut bok neya sisu ndo, pa syo sugit tep wa pakwerut mwa ne git sino.

Lukas 13:15

Orge Yefun Yesus ki do, ”Nin ki su nin syokwet sor re, nin yo benbot nin bi sukduno-i nde. Nin dom, ben suk su kam sye. Nin kadik-kadik sombok nin bi suksi, nin gwat mu meret syur su kam sye, fe?

Lukas 17:5

Yefun Yesus bi pakon ge musyu dik sop we (gato yé kendo do yerasul), án ki nai Yefun Yesus do, ”Yenggras, Nan ós men et! Nan syo suktinggi nai men, subere men onyar kem mo Yefun Allah nggi wai o et!”

Lukas 17:6

Yefun Yesus ki nai án do, ”Nin onyar kem mo Yefun wokgan sor re, saga sawi gro wokgan ne, bere nin ku suktinggi tep wa nin syogat kwe ap ré do, ’Nan tik nan ke buk kadit bur, nan mu ti, ete nan kom mo sem et!’ Sane bere kwe ap ne benbot suk gato nin ki ne.”

Lukas 18:6

Orge Yefun Yesus ki do, ”Yepasye ré, an yo ben bi suk-i ri-roi nde. Sarewo nin nutbot yepasye ré bi sukdu-i sisu ndo et.

Lukas 19:8

Kom mo Zakheus bi nu sa, Zakheus ti, an ki nai Yefun Yesus do, ”Bere ji syo ji bi suk napyo nai ye gato yewa suk. Yé gato ji kidar ne, bere ji win án bi suk ne wam at satu o.”

Lukas 22:61

Sugane Yefun Yesus brek sokme Petrus mone. Yefun Yesus sokme Petrus sa, Petrus napakom sukdu gato Yefun Yesus ki nai an nyim ne do, ”Ndam kokor yo ké nde tó, nan rewa Ji wam gri re.”

Lukas 24:3

Orge nggon ne sok mo jokwak mit, sarewo án yo ku Yefun Yesus mukri mone nde.

Lukas 24:34

Pakon ne ki nai an we do, ”Sukdu ne sangge, Yefun Yesus mbau satu re. An sun re, An kadum nggwa nai Simon re.”

Lukas 7:12

Yefun Yesus ma karowa ros syo mo kota Nain sa, yé sam yekri dik yo mu nden. Ye gato kwop ne, an pa yemsok, nggonna bi pa ge dik ne sor. Yé mwa gato kem mo kampung ne sisu nggonna mu ne.

Lukas 7:14

Orge Yefun Yesus mu karowa yé gato sam yekri ne, ete Yefun Yesus syimtok kwatka gato yé grem pa yemsok mukri mone. Yefun Yesus syimtok kwatka ne sa, yé gato sam kwatka ne ti not, ete Yefun Yesus ki do, ”Pa nji, Ji ki nai nan do, nan sun se!”

Lukas 7:19

ete Yohanes syogat an we mu mo Yefun Yesus wa an we ndo mo do, ”Yenggras, Nan anato Yekwesu gato Yefun Allah syogat ma mo bur ré wa nai men yetu kadit sukye ete jowa men bado, men eswa ye yi yo o ma e?”

Lukas 8:52

Yé mwa mone wo, án nderbot pa ne. Yefun Yesus ki nai yé ne do, ”Nin wo nde, pa yo kwop nde re, wo pa sem sor re.”

Yohanes 11:2

Maria ne anato es manik gato grik mo Yefun Yesus gwes, ete mom singgri sa su mom sugo. Kam dik yo Lazarus i.

Yohanes 11:3

Sane an bi nyanggon ka we taruwa Yefun Yesus do, ”Yenggras, men ka we bi nji gato Nan jimnotku ne, an anato i.”

Yohanes 20:13

Malaikat ge we ndo mo Maria do, ”Nggon, nan wo wa suma ne?” Maria ki nai malaikat we do, ”Ye yo nai ji bi Yekwesu wé re. Ji jam nde pe gato yé grem An mukri mone.”

Yohanes 20:15

Yefun Yesus ndo mo mom do, ”Nggon, nan wo wa suma ne? Nan syeret je u ne?” Maria gendo Ye ré anato ye gato ben suk mo nggwe ne. Sane Maria ki nai An do, ”Nan anato nai Ye ne mukri kadit pe ré yo, nan gwat mu nan grem An mukri mo u ne? Nan ki rer nai ji jam et, subere ji mu nai An mukri kadit pe ne wé.”

Yohanes 4:1

Ye Farisi jam do, yé mwa ma mo Yefun Yesus wa Yefun Yesus ras án mo syur subere án tepsu Yefun bi pakon. Ye Farisi jam do yé mwa ma mo Yefun Yesus wai kadit Yohanes. (

Yohanes 6:23

Orete kwem bok yo kadit kota Tiberias ma kom mone. Kwem ne nor karowa nat gato yé mwa git roti gato Yefun Yesus ki ndo mo Yefun Allah wa ne, ete syo nai án git ne.

1 Korintus 7:30

Sane dom men wo subot suk yo it yo, men wo, sarewo men ben men nggwa tepsu ye gato wo nde. Men yé gato sa it yo, men sa, sarewo men ben men nggwa tepsu ye gato sa nde. Men yé gato ku suk it yo, men nut mo suk gato men ku ne tepsu men bi suk nde, wo men ben men nggwa tepsu ye gato ku suk nde, men bi sukjimnut sye mone nde.

1 Tesalonika 4:13

Men bi nji, men bi nyanggon, men mitwa nin jam sukdu gato sangge subot ye gato kwop ne. Men bariwa nin kwabom dek subot yekwop teker tepsu ye yi neya gato yo kwabom kam mo Yefun subot suk ne nde.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.

Ibrani 4:15

Men bi yegweswai gato gum kok wai mo Yefun Allah bi nu ne, An kem mo bur ré sa, An da kridek tepsu men yetu gato yo nggi nde. An kaim rere tepsu men yetu kaim rere. Sane suk yo da ma tik Yefun Yesus mit wa ben sukibit ket kwayo-kwayo tepsu men yetu sino mó re, sarewo An yo ben sukibit yo mo nde.