Lukas 7:12 - Abun Scripture

¹² Yefun Yesus ma karowa ros syo mo kota Nain sa, yé sam yekri dik yo mu nden. Ye gato kwop ne, an pa yemsok, nggonna bi pa ge dik ne sor. Yé mwa gato kem mo kampung ne sisu nggonna mu ne.

Lukas 7:12 ပူးပေါင်းရင်းမြစ်များ

Lukas 7:11

Kam bok yo o, Yefun Yesus mu kadit Kapernaum, ete An mu mo kota gato gum do Nain. An bi pakon si yé mwa sisu An mu mone.

Lukas 7:13

Yefun Yesus do me nggonna ré sa, An jimnotku nggonna ndo nde, orete Yefun Yesus ki do, ”Im o, nan wo nde!”

Lukas 8:42

Yairus ndekwa Yefun Yesus ma mo an bi nu, we Yairus bi mam i, bergan mom kwop rok. Yairus bi mam ne ge dik sor, mom sye kom mo tahun musyu dik sop we. Sane Yefun Yesus mubot os mu mo Jairus bi nu saresa, yé mwa ne kamas buk mo yu kadit os deyo-deyo, yé mwa ne buk mo yu gat Yefun Yesus mone.

Lukas 8:52

Yé mwa mone wo, án nderbot pa ne. Yefun Yesus ki nai yé ne do, ”Nin wo nde, pa yo kwop nde re, wo pa sem sor re.”

Yohanes 11:19

anato ye Yahudi mwa ma ku Marta si Maria subere bidek nggon we, subere nggon we ne yo jimnot an we bi nji gato kwop ne teker nde.

Suk Gato Yerasul Ben Ne 9:39

Petrus si an we mu kadit kota Lida ma mo kota Yope. Petrus ma kom mo kota Yope sa, ye we top Petrus mu mo gumwak mo nim mo nu gwes kok ne. Nggonna mwa ti wairi wa Petrus. Nggonna ne wo, án kadum san gato Dorkas bit ete syo nai án sugato Dorkas mbau, ete kem su án tó.

Suk Gato Yerasul Ben Ne 9:41

Petrus jowa mom syim ós mom ti, orge Petrus kendo yé gato onyar kem mo Yefun Yesus ma si nggonna ne ma, or Petrus ki do, ”Yefun anato sun Dorkas mbau satu re.”

Yakobus 1:27

Suk gato an ben wa Yefun, gato men bi Ai, Yefun Allah nut do, ndo wai o re anato suk sato ré, an mewa pa ti si nggonna gato ku sukye. An mewa nggwa kadit sukibit mwa mo bur ré dom. An do ben suk sane it yo, an ben an bi suk-i ndo wai anane, kwa yo gato ibit mo nde.