Lukas 6:49 - Abun Scripture

⁴⁹ Sarewo ye gato jam sukdu gato Ji ki ré, ete an yo benbot nde yo, ye ne tepsu ye gato jam nde suk, ete an nggo an bi nu mo bur sor re, nu ne yo krat nde. Sane syur syé do ma pet mo nu ne yo, nu ne e gwa mo bur sor, ete syur gu mu re, nu ne ibit or re.”

Lukas 6:49 ပူးပေါင်းရင်းမြစ်များ

Matius 23:3

Sane suk mwa gato án duno men su ne, men jammo, ete men benbot. Wo án dakai yo benbot suk gato án duno men su nde. Sane men benbot suk gato án dakai ben ne nde.

1 Yohanes 2:19

Suga nyim ye gato sok mo yeko ne, án sisu men, orge án mu kadit men re. Ye gare da si men, sarewo án yo mit dik su men nde. Sato án mit dik su men yo, bere án yo mu kadit men nde, sarewo án mu kadit men, ete mone men jam do, án yo mit dik su men mo nde.

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Lukas 12:47

Pakwerut gato jam suk gato an bi yenggras mitwa an ben ne, sarewo pa ne yo fro nggwa wa pa benbot nde yo, bere pa ne ku sukye ndo nde. Pa gato yo benbot suk gato an bi yenggras syogat an ben ne nde yo, bere an bi yenggras syogat yé gu pa ndo nde.

Lukas 6:46

”Nin ki nai Ji do, ’Yenggras, Nan anato men bi Yekwesu,’ sarewo nin yo benbot suk gato Ji ki ne nde wa suma ne?

Markus 4:17

sarewo sukdu ne yo kem pe mo án mit nde, tepsu mbet gro ne i-brot yo kom mo jok nde, bergan sor ete án misyar or re. Diksim án jammo sukdu ne, sarewo án do ku sukye mo sukdu ne yo, yé kiket án mone yo, bergan sor ete án misyar sukdu ne kekro re.

2 Petrus 2:20

Yé gato jammo men bi Yekwesu Yesus Kristus gato ós men kem ndo to kapyo mato kapyo ne, Yesus Kristus ne sombok án kadit suktinggi mwa gato ben án ibit mo bur ré re. Sarewo suktinggi mwa gane do rai án satu, ete jom án tepsu bi pakwerut ne o yo, bere ri ma án ibit wai kadit nyim neya o re.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.

Suk Gato Yerasul Ben Ne 26:11

Wam bok yo ji mubot ye Yahudi bi nu ari wa ji ben sukye nai ye gato onyar kem mo Yefun Yesus. Ji wergat án subere án misyar Yefun Yesus, ete kiket Yefun Yesus gum ibit. Ji on sa ket án sane, ji mubot kota Yerusalem sor nde, wo ji mu mo kota yi mo bur yi subere ji ben sukye nai án mone dom.”

Suk Gato Yerasul Ben Ne 20:29

Ji jam do, ji mu kadit nin yo, bere ye gato ben sukibit ma ben ye gato gum sok mo Yefun Allah bi rus-i ne ibit, tepsu ndar krok gu domba kwop, sane nin mewa sisu ndo sor.

Lukas 19:27

Sane yo, nin kar yé gato bariwa jammo ji ne, nin kar yé gato bariwa ji gum yepasye wa jowa án ne. Nin gwat yé bok ne ma mo ji gwem, ete nin gu án kwop wé.’ ”

Lukas 19:14

Sarewo yé mo bur ne bariket yepasye ne. Sane yé syogat yé bok yo mu boribot an subere yé bok ne ki nai yekwesu mone do, ’Men bariwa nan bes ye ne gum yeraja wa jowa men mo men bi bur-i.’

Matius 24:10

Sugane, yé mwa gato onyar kem mo Ji, bere misyar Ji or re. Bere yé meret os wa yu, bere yé bariket yu.

Lukas 6:48

Ye ne anato tepsu ye gato jam suk, ete an nggo an bi nu mo jok. An rom bur wak kru mu kom mo jok mo bur, ete an syut kwedi mo jok gato krat mone. Nu ne an nggo krat mo jok, sane syur syé do ma pet mo nu ne yo, nu ne yo e nde.

Lukas 7:1

Yefun Yesus ki An bi sukdu bok ne nai yé mwa ne or, An mu kadit pe ne, ete An mu mo kota Kapernaum.