Lukas 6:47 - Abun Scripture

⁴⁷ Ye gato ma mo Ji, ete jammo Ji bi sukdu-i, orete benbot sukdu ne yo, ye ne ben an bi suk-i tepsu nje mo sukamno ré:

Lukas 6:47 ပူးပေါင်းရင်းမြစ်များ

Matius 12:50

Ye to ben an bi suk-i tepsu Ji bi Ai mo gu mit anato tepsu Ji bi nji e, Ji bi nyanggon e, Ji bi im e ne.”

Matius 17:5

Petrus ki suk saresa, duk gato rer-rik is ma kewa án sino, ete án jam Yefun Allah ki sukdu kadit duk mit ne do, ”Ji bi Gan gato Ji jimnotku anare. Suk gato An ben ne Ji mit iwa. Nin jammo An ne sor.”

Lukas 11:28

Sarewo Yefun Yesus ki do, ”Sane nde re. Sare, ye gato jam Yefun Allah bi sukdu, ete benbot, bere ye ne mit at wa wai kadit Ji bi im ne o re.”

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

Lukas 6:48

Ye ne anato tepsu ye gato jam suk, ete an nggo an bi nu mo jok. An rom bur wak kru mu kom mo jok mo bur, ete an syut kwedi mo jok gato krat mone. Nu ne an nggo krat mo jok, sane syur syé do ma pet mo nu ne yo, nu ne yo e nde.

Lukas 8:13

Mbet gro gato ges mo bur ka gato jok mwa ne anato tepsu yé gato jam Yefun bi sukdu ne ete án nai Yefun bi sukdu ne mo án mit. Diksim án iwa, sarewo sukdu ne yo kem pe mo án mit nde, tepsu mbet gro ne i-brot yo kom mo jok nde. Diksim án jammo sukdu ne, sarewo bergan sor suk yo do tik án mit wa án ges mo os ibit yo, án misyar sukdu ne or re.

Lukas 8:8

Sarewo an am mbet gro ne o sa, mbet gro deyo ges mo bur ka gato ndo, sane mbet ne kom sisu ndo ete ri ma mbet bo mwa wai o re, sato ye ne jan mbet gro dik, i-bo kom mo bo wotin dik.” Yefun Yesus gwat sukamno ne or sa, Yefun Yesus ki nai nje mone do, ”Sane nin brek nin dabe muya-muma kadit nde, wo nin jammo sukdu ré et!”

Yohanes 10:27

Ji ké yo, Ji bi domba ne bere jamwa Ji. Ji jam domba ne, ete domba ne simo Ji.

Yohanes 13:17

Nin jam suk mwa ne sino gato Ji duno nin su ne it. Nin do benbot yo, bere nin mit at wa.

Yohanes 14:15

”Nin bi sukjimnut sye kas subot Ji it yo, bere nin benbot suk gato Ji syogat nin ben ne sor.

Yohanes 5:40

Ji da kak os wa nin kem ndo to kapyo mato kapyo, sarewo nin bariwa nin jammo Ji.

Yohanes 6:35

Yefun Yesus ki nai án do, ”Ji ré anato tepsu sugit gato ben yetu mbau. Ye gato ma mo Ji yo, an yo on de o nde. Ye gato onyar kem mo Ji yo, an yo sosa o nde sor to kapyo mato kapyo.

Yohanes 6:37

Yé mwa gato Ji bi Ai syo nai Ji, bere án sino ut mo Ji. Ye to ma ut mo Ji yo, Ji yo syun ge dik yo wé dom nde.

Yohanes 8:52

Orete ye Yahudi mone ki nai Yefun Yesus do, ”Su ré sa, men jam Nan it. Sangge, semda ben Nan anare it. Abraham kwop re, yenabi bok ne sino kwop or re. Sarewo Nan ki do, ye to jammo Nan bi sukduno-i yo, yo kwop nde.

Ibrani 5:9

Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.

Yakobus 4:17

Sane ye gato jam suk gato ndo wa an ben, ete an yo benbot nde it yo, an ben sukibit it anane.

1 Petrus 2:4

Sane nin karowa Kristus et. An anato tepsu jok gato mbau, wo yetu nut do, jok ne ibit, ete yé misyar An re. Wo Yefun Allah nai An tepsu jok gato ndo wai wa nggo Yefun bi nu su ne re.

2 Petrus 1:10

Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.

1 Yohanes 2:29

Nin dakai jam do, Kristus ben An bi suk-i tepsu Yefun Allah mit. Sane nin jam o do, ye gato ben suk tepsu Yefun Allah mit ne anato tepsu Yefun Allah bi pá-i anane.

1 Yohanes 3:7

Ji bi pa, nin jammo ye gato werwa ben kidar nin brek kadit os ndo ete nin simo os ibit nde. Sukdu gato sangge anare, ye gato ben bi suk-i ndo tepsu Yefun Allah mit, ye ne anato Yefun Allah nai sok mo An bi rus-i, tepsu Yesus Kristus sok mo Yefun Allah bi rus-i re.

Wahyu 22:14

Ye gato ben Yefun bi suk-i, ben sato án gu án bi san kwo ndo it anane. Ye gato gu án bi san kwo yo, bere án ku os wa án git kwebo mo kweke gato ben yetu kem gesyos. Bere án ku os wa án sok ket ros syo mu mo kota mit ne. Yé ne sa, án mit at wa, we bere Yefun ben sukndo su án re.