Lukas 6:29 - Abun Scripture

²⁹ Ye yo gwa nin kwanke yo, nin brek nin kwanke deyo o wa an gwa dom et. Ye yo nai nin bi sansun yo, nin misyar ye ne dakai nai nin bi san deyo dom et.

Lukas 6:29 ပူးပေါင်းရင်းမြစ်များ

Matius 26:67

Orete yekwesú si yepasye ne sino sukut tom Yefun Yesus gwem, án tut Yefun Yesus su án syim. Yekwesu deyo gwa su syim tak dom,

Lukas 22:64

Án but san det wa Yefun Yesus gro subere Yefun Yesus yo me suk nde, ete án gwa Yefun Yesus wam bok yo. Án gwa Yefun Yesus sane, án ndo mo Yefun Yesus gat do, ”Nan, ye gato tepsu yenabi sangge yo, Nan ye gato jam suk rer, sane Nan ki ye gato gwa Nan ré gum et.”

Lukas 6:30

Ye yo ndek suk mo nin yo, nin syo nai ye ne sor. Ye yo nai nin bi suk-i kadit nin it yo, nin mu syokom an syo suk ne satu nde.

Yohanes 18:22

Yefun Yesus ki bi sukdu-i duwer yekwesu ne sa, ye gato mewa Yefun Allah bi nu ge dik yo, an ti karowa Yefun Yesus mone, an gwa Yefun Yesus kwanke su an syim, ete an ki do, ”Nan nut do, Nan gum sye wai kadit men bi yekwesu gato gum kok wai mo Yefun Allah bi nu bado, anato Nan ki Nan bi sukdu-i sane bado?”

Suk Gato Yerasul Ben Ne 23:2

Sane yekwesu gato gum kok wai mo Yefun Allah bi nu ne syogat ye gato ti karowa Paulus gwa Paulus mo an syokwet.

1 Korintus 4:11

Kadit nyim kom more, men on de, men yewa sugit, men yewa syur. Men bi san syik mo men da. Yé ben sukye nai men. Men yo ku nu wa men kem pe mo nde.

1 Korintus 6:7

Men yé gato onyar kem mo Yefun Yesus mu kendo yepasye gato jam nde Yefun ma wa kibot sukdu ne yo, men ben suk siri kadit Yefun Allah bi sukduno it anane, bere men sino ku sukye mone. Ye gato onyar kem mo Yefun Yesus do ben sukibit nai men it yo, sa ndo sa, men misyar anato ndo wai kadit men kendo yepasye gato jam nde Yefun ma wa kibot. Ye ne syimsi men bi suk it yo, sa ndo sa, men misyar anato ndo wai kadit men kibot suk ne mo yepasye gato jam nde Yefun ne gwem.

2 Korintus 11:20

Nin iwa yé bok gato ma daret ne ben nin tepsu án bi pakwerut, nin yo bariwa nde. Nin iwa yé bok gato ma daret ne ben kidar nin e, án ben nin nyu e, án dakai nai nin bi suk e ne, nin yo bariwa án mo nde. Nin iwa án bes nggwa kok, ete án ben sukye nai nin ket kwayo-kwayo, nin yo bariwa án mo nde.

Ibrani 10:34

Nin nutbot yé gato yé bok mo sel ndo nde, nin baoku yé mo sel ne ndo nde. Kapre yé nai nin bi suk mwa kadit nin o, nin yo maskwa nde, wo nin iwa, nin mit at wa sor, we nin jam do, nin bi suk mwa gato ndo wai mó re. Suk mwa ne anato tepsu suk mwa gato Yefun Allah tom su nin. Suk ne kem ndo to kapyo mato kapyo, ye yo ku os wa nai suk gato Yefun Allah fro wa nin ne wé kadit nin nde.