Lukas 6:27 - Abun Scripture

²⁷ Yefun Yesus ki o do, ”Sarewo Ji ki nai nin gato syaretwa Ji bi sukdu sare do, nin ben sukndo su yeko gato ma wa gu nin, nin ben sukndo su ye gato bariket nin et.

Lukas 6:27 ပူးပေါင်းရင်းမြစ်များ

Markus 4:24

Orete Yefun Yesus ki o do, ”Nin nutbot suk gato Ji ki ré sisu ndo et. Nin do syaretwa ete nin jammo yo, bere nin jam suk mwa wai o re. Ye gato iwa jam subot Yefun Allah bi sukduno, wo an werwa jam subot sukdu ne mo de nden ne sor re, bere Yefun Allah kak an bi sukjimnut-i ne wokgan sor re. Wo ye gato werwa jam subot Yefun Allah bi sukduno kom mo mit, sane bere Yefun Allah kak ye ne bi sukjimnut-i mwa wai o re.

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Lukas 8:15

Mbet gro gato ges mo bur ka gato ndo anato tepsu yé gato but sukdu ne, ete án jom pe mo án mit. Yé ne onyar kwo, án bi sukjimnut ndo. Án jamwa sukdu ne pe sane sor án ben suk gato ndo. Sane sukndo gato án ben ne tepsu mbet gro gato kom sane sor i-bo mwa wai o re.”

Lukas 8:18

Sane, Yefun Allah bi sukdu gato nin syaretwa ne, nin nutbot sisu ndo et. Ye to bi sukjimnut kak, bere jam Yefun Allah bi sukdu mwa wai o re, sane bere an jam sukdu ne kom mo mit re. Sarewo ye to da jam sukwokgan, ete an misyar, sukwokgan gato an jam ne, bere suk ne ges or wé kadit an re.”

Lukas 8:8

Sarewo an am mbet gro ne o sa, mbet gro deyo ges mo bur ka gato ndo, sane mbet ne kom sisu ndo ete ri ma mbet bo mwa wai o re, sato ye ne jan mbet gro dik, i-bo kom mo bo wotin dik.” Yefun Yesus gwat sukamno ne or sa, Yefun Yesus ki nai nje mone do, ”Sane nin brek nin dabe muya-muma kadit nde, wo nin jammo sukdu ré et!”

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Suk Gato Yerasul Ben Ne 16:28

Sarewo Paulus saiye do, ”Nan gu nan nggwa nde. Men sino more tó.”

Suk Gato Yerasul Ben Ne 7:60

Stefanus tu an umsu mo bur, ete an saiye do, ”Yefun, ji bi Yekwesu, Nan syo sukye nai yepasye ré mo sukibit gato an ben nai ji nde. Nan misyar sor.” Stefanus ki or sa, an kwop re.

Galatia 6:10

Sane os yo kak wa men it yo, men ben sukndo su yé mwa ne sino. Yé gato si men onyar kem mo Yefun Yesus ne yo, men werwa men ben sukndo su án wai kadit ye yi neya et.

1 Tesalonika 5:15

Nin mewa nje mone subere yetu ge dik yo ben sukibit ma nai nin it yo, nin waii ben sukibit satu mu nai ye ne nde. Wo nin wergat nin nggwa subere nin ben sukndo su yu si yé mwa ne sino et.

3 Yohanes 1:11

Ji bi yesyim gato ji jimnotku, men konem sukibit gato yetu ben ne nde, wo men me sukndo gato ye ben ne, ete men waii benbot sor. Ye gato ben sukndo yo, Yefun Allah bi pá-i anane, wo ye gato ben sukibit yo, ye ne jam nde Yefun Allah re.