Lukas 6:26 - Abun Scripture

²⁶ Nin yé gato yé mwa un ne, nin kwabom dek wa sor, we suga kam nyim tuya nin bi amui un yenabi gato kidar suk nggi dom, ete án sino ku sukye mone.”

Lukas 6:26 ပူးပေါင်းရင်းမြစ်များ

Matius 7:15

”Nin mewa nin nggwa kadit yenabi gato kidar nin. Yenabi ne ma ku nin, ete án brek nden we, án ben án nggwa sato domba mo de nden, wo án mit ne tepsu ndar krok.

Lukas 6:25

Nin yé gato bi sugit mwa su kam ré, nin kwabom dek wa sor, we bere nin on de mone tó. Nin yé gato sa su kam ré, nin kwabom dek wa sor, we bere nin wo mone tó.

Yohanes 15:19

Nin si yetu mo bur ré bi sukjimnut-i tepsu dik yo, bere yé jimnotku nin, we nin bi sukjimnut-i tepsu yetu ne. Sarewo Ji nai nin kadit yetu bi de-i sok mo Ji bi de-i, sane nin bi sukjimnut-i si yetu bi sukjimnut-i yo tepsu dik o nde, sane anato yé mo bur ré bariket nin.

Yohanes 7:7

Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.

Roma 16:18

Ye gato wat nin kadit yu e, ki bi sukduno-i siri kadit sukduno gato yeguru ki ne yo, ye ne yo ben suk wa men bi Yekwesu Yesus Kristus nde, wo án ben suk wa ben án dakai mit at mo koirut sor re. Án ki án bi suk-i ndo yé re, án bidek nai yé gato jam nde, subere án kidar yé ne.

Yakobus 4:4

Nin anato ye gato ben suk siri kadit Yefun Allah mit. Nin mit iwa bur ré bi suk-i, anato nin tepsu ye gato bariket Yefun Allah re, nin jam bado, nde e? Ye to nai sukjimnut do, an mit iwa bur ré bi suk-i anato tepsu yeko wa Yefun Allah it.