Lukas 6:23 - Abun Scripture

²³ Suga nyim tuya nin bi amui ben sukye nai yenabi saga bere nin ku ne dom. Sane yé do ben sukye sane nai nin it yo, sugane, nin wi nin ambre, we Yefun fro suk mwa gato ndo wa nin mo gu nim re.

Lukas 6:23 ပူးပေါင်းရင်းမြစ်များ

Matius 5:12

Suga nyim tuya yenabi ku sukye saga nin ku re. Wo nin wi, nin ambre, we Yefun fro suk gato ndo wa nin mo gu nim ne re.”

Lukas 1:41

Elisabet jam Maria du sa, pabom gato kem mo Elisabet on ne ram. Sugane Yefun Allah Gen pet mo Elisabet.

Lukas 1:44

Ji jam nan du gado ne sa, pabom mo ji on mit ram, we pa iwa nan ma ku men.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Suk Gato Yerasul Ben Ne 14:10

Sane, Paulus ki nggi nai ye ne do, ”Nan ti su nan gwes se!” Sugane it, ye ne yak ti, ye ne muket an gwes.

Suk Gato Yerasul Ben Ne 3:8

Ye ne ti, an muya-muma. Orge an si ye we ngga mo Yefun Allah bi nu de mo ros de mit ne, an mu, an yak, an wi, an ambre an un Yefun Allah.

Suk Gato Yerasul Ben Ne 5:41

Yerasul ne mu kadit yepasye mwa ne, án mit at, we án jam do, Yefun Allah nut do, án sa, gum kok tep wa án ku sukye kadit yepasye ne mo sukdu gato án ki subot Yefun Yesus.

Roma 5:3

Men mit at mone sor nde, wo men mit at mo sukye gato men ku ne dom, we men jam do, sukye gato men ku ne, bere ben men nggiwa ben suk gato ndo pe sor, men yo sombok kadit suk gato men ben ne nde.

2 Korintus 12:10

Sane anato mo pe gato ji yo nggi nde, bere Kristus bi suktinggi bor mone tó. Ji ben Kristus bi suk-i yo, ji iwa ji ku sukye mone, ji iwa yé kabor ji gum ket kwayo-kwayo e, ji ku sukye e, yé werwa yé gu ji mo Yefun Allah bi suk-i e, ji yewa sukyo-sukyo e ne. Mo sukye bok ne, ji yo nggi o nde yo, bere Kristus bi suktinggi bor sye mone, ete ben sato ji nggi wai kadit sukye gato ben ji rere ne o re.

Kolose 1:24

Su ré ji mit at mo sukye gato ji ku wa nin, we sukye gato Kristus ku ne anato ji waii ku nap ta ré. Kristus ku sukye nap sye wa bi rus-i or re. Or o ji waii ku sukye ne napta wa yé mwa gato onyar kem mo Kristus, yé mwa ne tepsu Kristus kaim.

2 Timotius 2:12

Kapre men ku sukye, men misyar Yefun nde, wo men simo An pe sor, sane yo, bere men si An tepsu yekwesu sino. Men do rewa An yo, bere An rewa men dom.

Ibrani 11:26

Musa nut do, ye kabor an gum mo sukndo gato an ben anato ndo wai kadit an ku suk mwa mo bur Mesir ne sino, we an bi sukjimnut kas ko kom mo os ndo gato kam sari ne ma bere Kristus kak ne. An bi sukjimnut kas ko kom mo sukndo gato bere an ku mo Yefun bi nat-i.

Ibrani 11:6

Ye gato yo onyar kem mo Yefun Allah nde tó yo, bere ye ne yo ku os wa ben suk tepsu Yefun Allah mit nde. We, ye gato ma mo Yefun Allah it yo, an onyar kem mo sukdu sare do, Yefun Allah ne sa, mó re, ete Yefun ben sukndo su ye gato meret An.

Yakobus 1:2

Ji bi nji, ji bi nyanggon, kapre men ku sukye ket kwayo-kwayo, men nut mo men mit do, suk ne ndo wa men sor,

1 Petrus 4:13

Nin nutbot sukye ne teker eta nde, wo nin mit at wa sor, we ben sato nin si Kristus ku sukye ne sino. Sane bere su kam gato Kristus kadum An bi suktinggi bor mo bur ré, nin mit at wa wai o re.

Wahyu 2:17

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”

Wahyu 2:26

Yé gato nggi wai kadit bur ré bi suk-i, ete ben suk tepsu Ji mit iwa ne sor kom mo pe gato or mó yo, bere Ji ben án nggiwa jom yewis bok ne sino mo bur ré re.

Wahyu 2:7

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji kak os wa án mu nai kwebo gato ben yetu kem gesyos wa án git. Kwe ne kom mo Yefun Allah bi nat-i gato ndo.”

Wahyu 21:7

Yé gato nggi wai kadit bur ré bi suk-i, bere án ku suk mwa mo bur be ne kadit Ji. Bere Ji anato tepsu Yefun gato jom án, ete án anato tepsu Ji dakai bi pá-i.

Wahyu 3:12

Yé gato nggi wai kadit bur ré bi suk-i yo, bere Ji bes án tepsu kwedi mo Ji bi Ai Yefun Allah bi nu-i. Ye gato nggi ne kem pe mo nu ne. Yé ne yo mu kadit nu ne nde. Bere Ji krom Yefun Allah gum mo yé ne. Bere Ji krom Yefun Allah bi kota gum mo yé ne. Kota ne anato Yerusalem be gato bere Ji bi Ai Yefun Allah syo is kadit gu ne ma. Bere Ji krom Ji dakai gum be mo yé gato nggi wai kadit bur ré bi suk-i dom re.

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.